Ён запрасіў журналістаў, якія цікавіліся ягоным здароўем, «размяцца і паплаваць».
Славацкі прэм’ер-міністр Роберт Фіца адрэагаваў на чуткі пра пагаршэнне здароўя, апублікаваўшы фота, дзе ён у футболцы нырае ў Дунай, піша «Еўрапейская праўда».
На сваёй старонцы ў Facebook прэм’ер Славакіі напісаў, што запрасіў журналістаў, якія цікавіліся ягоным здароўем, «размяцца і паплаваць».
«Ніхто не прыйшоў. Я разумею. Напэўна, крыху накрапала і было прахалодна», — дадаў ён, прыклаўшы фота свайго купання ў Дунаі.
Апошнімі днямі ў славацкіх СМІ з’яўляліся здагадкі, што ў Фіцы пагоршыўся стан здароўя, паколькі ён неспадзявана скасаваў удзел у некалькіх мерапрыемствах з нагоды Першамаю.
На гэтым фоне расійскія крыніцы нават дапускалі, што прэм’ер Славакіі можа не прыехаць у Маскву 9 мая — хаця ён з’яўляецца адзіным лідарам ЕС, які на гэта згадзіўся.
Саратнікі Фіцы, аднак, абверглі гэтыя чуткі. А сам славацкі прэм’ер напярэдадні прызнаў, што мае некаторыя праблемы са здароўем пасля замаху ў траўні 2024 года, але яны не ўплываюць на яго працу.
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары