Рамзан Кадыраў 5 траўня адказаў на пытанне падкантрольнага ўладам Чачні інфармацыйнага агенцтва «Чачня сёння» пра чуткі пра ягоную адстаўку.
Рамзан Кадыраў. Фота: Getty Images
«Я таксама чуў гэтыя чуткі. Пішуць рознае. Я, наадварот, сам прашу, каб мяне вызвалілі ад пасады. У іншага будуць свае ініцыятывы, сваё бачанне. Спадзяюся, што маю просьбу падтрымаюць», — заявіў Кадыраў.
Як адзначае «Каўказскі вузел», Кадыраў гаворыць пра сваю магчымую адстаўку мінімум восем гадоў. Ён сцвярджаў, што гатовы сысці з пасады кіраўніка Чачні, у 2017, 2020 і 2022 гадах.
«Новая газета Еўропа» піша, што праз стан здароўя Кадыраў рыхтуе перадачу ўлады.
Каментары