На Магілёўшчыне за хабар затрымалі топ-менеджара аднаго з прадпрыемстваў
Супрацоўнікі ўпраўлення па барацьбе з эканамічнымі злачынствамі затрымалі 49-гадовага кіраўніка бюро забеспячэння аднаго з прадпрыемстваў Магілёўскай вобласці. Мужчына папаўся на месцы злачынства пры атрыманні хабару ў эквіваленце звыш 50 тысяч рублёў, паведамілі ў прэс-службе МУС.
Скрыншот з відэа
Паводле звестак міліцыі, мужчына, выкарыстоўваючы службовае становішча, забяспечваў перамогу прыватнай камерцыйнай арганізацыі ў біржавых таргах. Пасля гэтая кампанія пастаўляла прадпрыемству электратэхнічную прадукцыю, а хабарнік атрымліваў з гэтых здзелак свой працэнт.
Супраць фігуранта завялі крымінальную справу па артыкуле аб атрыманні хабару ў асабліва буйным памеры.
Каментары