Прэзідэнт ЗША Дональд Трамп заклікаў Кіеў і Маскву да 30-дзённага безумоўнага спынення агню і заявіў, што ўвядзе санкцыі, калі яно не будзе выконвацца. Пра гэта ён напісаў у сваёй сацыяльнай сетцы Truth Social.
«ЗША патрабуюць, у ідэале, 30-дзённага безумоўнага спынення агню… Калі спыненне агню не будзе выконвацца, ЗША і іх партнёры ўвядуць дадатковыя санкцыі. Тысячы маладых салдат гінуць штотыдзень, і ўсе павінны жадаць, каб гэта спынілася. Я гэтага хачу, і ЗША гэтага таксама хочуць», — напісаў Трамп.
«Я разам з еўрапейцамі буду імкнуцца да ўстанаўлення міру паміж Расіяй і Украінай, і гэта будзе трывалая мірная дамова! Гэтае спыненне агню павінна ў выніку прывесці да заключэння мірнага пагаднення. Усё гэта можна зрабіць вельмі хутка, і я буду гатовы ў любы момант, калі спатрэбяцца мае паслугі», — дадаў ён.
Гэтай заяве папярэднічаў тэлефонны званок паміж Трампам і прэзідэнтам Украіны Уладзімірам Зяленскім. Зяленскі адзначыў падчас размовы, што Кіеў гатовы пайсці на 30-дзённае спыненне агню «хоць бы з сённяшняга дня», і чакае, што Масква пагодзіцца на гэтае прапанаванне.
«Украіна гатовая да перамоваў у любым фармаце. Але для гэтага Расія павінна паказаць сур’ёзнасць сваіх намераў завяршыць вайну, пачаўшы з поўнага і безумоўнага спынення агню. Прэзідэнт Трамп пацвердзіў, што хоча завяршэння гэтай вайны, гатовы дапамагаць і падтрымлівае неабходнасць спынення агню», — распавёў Зяленскі ў сваім вячэрнім паведамленні.
Цяпер чытаюць
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты2
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары