Prezident ZŠA Donald Tramp zaklikaŭ Kijeŭ i Maskvu da 30-dzionnaha biezumoŭnaha spynieńnia ahniu i zajaviŭ, što ŭviadzie sankcyi, kali jano nie budzie vykonvacca. Pra heta jon napisaŭ u svajoj sacyjalnaj sietcy Truth Social.
«ZŠA patrabujuć, u ideale, 30-dzionnaha biezumoŭnaha spynieńnia ahniu… Kali spynieńnie ahniu nie budzie vykonvacca, ZŠA i ich partniory ŭviaduć dadatkovyja sankcyi. Tysiačy maładych sałdat hinuć štotydzień, i ŭsie pavinny žadać, kab heta spyniłasia. Ja hetaha chaču, i ZŠA hetaha taksama chočuć», — napisaŭ Tramp.
«Ja razam ź jeŭrapiejcami budu imknucca da ŭstanaŭleńnia miru pamiž Rasijaj i Ukrainaj, i heta budzie tryvałaja mirnaja damova! Hetaje spynieńnie ahniu pavinna ŭ vyniku pryvieści da zaklučeńnia mirnaha pahadnieńnia. Usio heta možna zrabić vielmi chutka, i ja budu hatovy ŭ luby momant, kali spatrebiacca maje pasłuhi», — dadaŭ jon.
Hetaj zajavie papiaredničaŭ telefonny zvanok pamiž Trampam i prezidentam Ukrainy Uładzimiram Zialenskim. Zialenski adznačyŭ padčas razmovy, što Kijeŭ hatovy pajści na 30-dzionnaje spynieńnie ahniu «choć by ź siońniašniaha dnia», i čakaje, što Maskva pahodzicca na hetaje prapanavańnie.
«Ukraina hatovaja da pieramovaŭ u lubym farmacie. Ale dla hetaha Rasija pavinna pakazać surjoznaść svaich namieraŭ zaviaršyć vajnu, pačaŭšy z poŭnaha i biezumoŭnaha spynieńnia ahniu. Prezident Tramp paćvierdziŭ, što choča zaviaršeńnia hetaj vajny, hatovy dapamahać i padtrymlivaje nieabchodnaść spynieńnia ahniu», — raspavioŭ Zialenski ŭ svaim viačernim paviedamleńni.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary