Амаль у сярэдзіне месяца дзённая тэмпература ледзь дацягвае да 15 градусаў, а сіноптыкі яшчэ і нагнятаюць: «ідуць замаразкі, аб’яўлена штармавое папярэджанне». А тут яшчэ і адключэнне гарачай вады на носе. З 15 мая павінны пачаць яе адключаць, нагадвае Onliner.by.
«Я жыву ў доме на Каралінскай, 8. Наш адрас у спісе на адключэнне гарачай вады з 15 мая. А надвор’е самі бачыце якое, паводле прагнозу ў бліжэйшыя дні будзе 12—14 градусаў цяпла ўдзень. У мяне двое маленькіх дзяцей (пяць гадоў і сем месяцаў). У нас ёсць праточны награвальнік, але з-за таго, што праводка старая, коркі то і справа выбівае, на максімум яго не ўключыш. То бок мне давядзецца грэць каструлі або мыць дзяцей ледзь цёплай вадой з награвальніка. Адно калі лета, спёка. Іншае — калі холадна не толькі на вуліцы, але і дома. Можа, камунальным арганізацыям варта было б перагледзець графік і адкласці адключэнне гарачай вады», — разважае мінчанка Кацярына.
Павесяліць з адключэннем гарачай вады было б вельмі дарэчы. Але, напрыклад, на сайце «Мінскэнерга» вісяць старыя (і зусім не радасныя) графікі. Аднак надзея ёсць. Вось што нам распавялі на прадпрыемстве:
— Цяпер уключана ацяпленне для першай катэгорыі: бальніцы, дзіцячыя сады, школы. І пакуль у іх будзе ацяпленне, мы вам не выключым ваду. Калі раптам горад выключыць у іх ацяпленне, то і мы можам адразу адключыць гарачую ваду. Гэта вырашае горад.
Значыць, сочым за паведамленнямі Мінгарвыканкама і спадзяёмся, што прынамсі да канца тыдня «вентыль» не перакроюць.
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»1
Каментары