«Сказалі, што трансферу не будзе». «Белавія» пераносіць некаторыя рэйсы з Батумі ў Кутаісі
Карыстальнікі сацсетак паведамляюць: «Белавія» перанесла іх рэйсы з Батумі ў Кутаісі.
У адным з паблікаў у Telegram быў апублікаваны скрыншот паведамлення ад авіякампаніі кліенту: калі яму верыць, прычынай нязручнасцяў стаў рамонт узлётна-пасадачнай паласы ў Батумі.
Мяркуючы па ўсім, з праблемамі сутыкнуліся тыя, хто планаваў палёт у Грузію напрыканцы мая — на пачатку чэрвеня. Onliner.by звязаўся з дзяўчынай, бацька якой павінен ляцець адным з перанесеных рэйсаў 12 чэрвеня.
— Рэйс B2 731 (раней B2 737). Пра змены нам прыйшло паведамленне на пошту. Звярнуліся ў «Белавія» наконт трансферу або кампенсацыі. Адказ: іх не будзе. Як я разумею, іншых карыстальнікаў таксама ігнаруюць, — распавяла дзяўчына. — Як бацька цяпер плануе дабірацца з Кутаісі ў Батумі? Пакуль няма раскладу ні на цягнік, ні на аўтобус. Таксі каштуе цяпер ад 120 да 150 лары (143—179 рублёў), але, мяркую, у момант, калі яно спатрэбіцца, будзе павышаны попыт і цана вырасце. Білет здаваць не будзем: ёсць верагоднасць, што калі ляцець авіякампаніяй «Азімут» або Red Wings, то рэйс увогуле перанясуць на невядома які тэрмін.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»9
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары