«Дорага і няякасна». Беларусы скардзяцца на няякасны абутак ад Belwest і праблемы з вяртаннем грошай
Жыхарка Беларусі апублікавала ў тыктоку гісторыю пра няякасны зімовы абутак ад фірмы Belwest. Экспертыза пацвердзіла заводскі брак, але вяртанне грошай зацягнулася, піша BG.Media.
Спачатку ўсё выглядала добра: скураныя, акуратныя боты здаваліся якаснымі. Але ўжо вясной жанчына заўважыла, што ў адным з ботаў стала немагчыма хадзіць — аказалася, што вусцілка правальваецца, бо ўнутры падэшвы з’явілася пустата.
Жанчына адзначыла, што ў краме ёй адказалі: грошы вернуць «праз падатковую», але дакладных тэрмінаў не назвалі. У выніку яна засталася без грошай і без абутку. У параўнанні з іншым беларускім вытворцам — Marko, дзе грошы вярнулі адразу, — у Belwest працэс выглядае доўгім і незразумелым.
Карыстальнікі тыктока пачалі дзяліцца сваімі падобнымі гісторыямі: хтосьці чакае вяртання грошай месяц, іншыя ўжо рыхтуюцца да суда. Ёсць скаргі на трэснутыя падэшвы, скуру, што лопаецца, і фарбу, якая злазіць пасля першага выхаду. Аднак сустракаюцца і пазітыўныя водгукі — некаторыя носяць абутак Belwest гадамі без праблем.
Некаторыя выказваюць здагадкі, што якасць пагоршылася з-за пераносу часткі вытворчасці ў Кітай. Пра гэта напісаў адзін з каментатараў, які, паводле яго слоў, працуе ў сетцы Belwest.
Юрысты нагадваюць: у выпадку вытворчага браку абутак можна вярнуць цягам двух гадоў, нават без чэка — галоўнае, мець пацвярджэнне пакупкі. Калі крамa зацягвае час — трэба звяртацца ў таварыства абароны правоў спажыўцоў. Усе заявы маюць падавацца пісьмова з патрабаваннем выканання дакладных тэрмінаў іх разгляду.
Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»7
Каментары
шпацыравала неяк міма Белвеста. параўналіся са мной мінакі, і я нявольна чую іх размову. адзін мужчына кажа другому:
- мо зойдзем у Белвест?
на што другі:
- ведаю я гэты Б**вест. адзін раз набудзеш Б**вест, ногі скрывяцца пад яго, і ўсё жыццё потым вымушаны будзеш купляць Б**вест