У Мінску з 24 мая набыць адзіны праязны стала магчыма праз мабільны дадатак «Аплаці». Падрабязней пра гэта Мінск-навінам расказала першы намеснік старшыні Мінаблвыканкама Надзея Лазарэвіч.
— З 24 мая стартаваў продаж адзіных праязных дакументаў у мабільным дадатку «Аплаці», — адзначыла Н. Лазарэвіч.
Зараз пасажыр можа аформіць праязны дакумент самастойна з дапамогай мабільнага тэлефона. Як падзялілася Н. Лазаравіч, сучаснай тэндэнцыяй з’яўляецца пашырэнне сеткі рэалізацыі праязных дакументаў, у тым ліку праз дыстанцыйныя каналы продажаў.
У сталіцы ўжо амаль два гады дзейнічае адзіны праязны дакумент на ўсе віды транспарту. Сёння ён каштуе менш за 60 рублёў у месяц і дазваляе ездзіць на ўсіх відах грамадскага транспарту, уключаючы аўтобусы, тралейбусы, трамваі і метро.
А з 12 красавіка Мінаблвыканкам увёў новы від адзінага праязнога дакумента — «Турыстычны». Суткі безлімітнага праезду абыдуцца ў 4,81 рубля, тры дні — у 14,43 рубля, што дазваляе гасцям сталіцы істотна зэканоміць.
Таксама Н. Лазарэвіч распавяла яшчэ пра адну запланаваную навінку: да канца года набыць білет на праезд можна будзе непасрэдна з банкаўскай карты і ў наземным грамадскім транспарце. Пакуль такі від аплаты даступны толькі ў метро.
— Сённяшні рытм жыцця мінчан і гасцей сталіцы патрабуе ад нас як ад органа дзяржаўнага кіравання ўкаранення новых лічбавых рашэнняў ва ўсіх сферах дзейнасці і, у першую чаргу, у транспартнай. У гэтым годзе мы дадзім магчымасць пасажырам аплачваць праезд з выкарыстаннем банкаўскай карткі ў наземным транспарце. Мы ўпэўненыя, што пасажыры ацэняць гэтую навінку па вартасці, — падсумавала першы намеснік старшыні Мінаблвыканкама.
Па меркаванні Н. Лазарэвіч, рэформа тарыфнай палітыкі аплаты праезду ў гарадскім пасажырскім транспарце атрымлівае станоўчы водгук ад пасажыраў і з’яўляецца свайго роду ацэнкай задаволенасці ўзроўнем транспартнага абслугоўвання.
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары