Грамадства33

Прадпрыемства «Белрыба» збанкрутавала

Эканамічны суд Мінска завёў справу аб банкруцтве калісьці буйнога вытворцы рыбнай прадукцыі. ААТ «Белрыба» завінаваціла сваім крэдыторам амаль $33 млн у эквіваленце. Інфармацыя пра гэта ёсць у Адзіным дзяржаўным рэестры звестак аб банкруцтве.

Офіс прадпрыемства «Белрыба» ў Мінску. Фота: Яндэкс-карты

Гісторыя ААТ «Белрыба» пачалася ў снежні 1957 года. Кампанія вядомая на рынку як адзін з найбуйнейшых вытворцаў вэнджана-падвяленай прадукцыі з рыбы, рыбных дэлікатэсаў, кансерваў. У прыватнасці, яе прадукцыя выпускалася пад аднайменнай гандлёвай маркай, а таксама пад брэндамі «Вясёлы Флінт», «Сталічная», «Рыбзавод Мінск». Усяго больш за 400 найменняў. А яе кліентамі былі звыш 2,6 тыс. прадпрыемстваў як у Беларусі, так і за яе межамі. Акрамя гэтага, у кампаніі быў аўтапарк з 44 грузавікоў, а таксама сетка ўласных крамаў па ўсёй краіне, піша Office Life.

З сярэдзіны 2010-х «Белрыба» была стратнай. Па выніках 2016 года кампанія сышла ў мінус на 513 тыс. рублёў, а за 2017 год яе страта вырасла да 1,8 млн рублёў.

З 2018 года кампанія пачала прадаваць сваю маёмасць. Так, у верасні таго года на аўкцыён трапілі абсталяванне і будынкі ў Мінску, а ў лютым 2019-га — гандлёвае і вытворчае абсталяванне, а таксама гандлёвыя памяшканні, у тым ліку ў Слуцку і Нарачы. З канца 2020 года ААТ пачало здаваць частку сваёй маёмасці ў арэнду. Напрыклад, склады, офісныя памяшканні, халадзільныя камеры. Аднак гэта не дапамагло справіцца са стратамі. Так, па выніках 2020 года кампанія сышла ў мінус на 12,7 млн, а за 2021-ы — у мінус 8,8 млн рублёў.

За 2022 год ААТ «Белрыба» таксама паказала страты ў 9,58 млн рублёў. А па выніках 2023 года страта дасягнула 10,662 млн рублёў.

Адметна, што ў сакавіку 2024 года па выніках 2023 года аўдытар ААТ у сваім заключэнні паказваў на наяўнасць «істотнай няпэўнасці адносна бесперапыннасці дзейнасці» прадпрыемства.

У выніку, у сярэдзіне 2025 года ААТ «Белрыба» падала ў суд заяву аб сваім банкруцтве, таму што «памер яго крэдыторскай запазычанасці больш чым у два разы перавышае кошт наяўных у яго актываў». Кампанія вінна сваім крэдыторам амаль 108 млн рублёў, або $33 млн у пераліку. Пры гэтым згодна з дадзенымі бухгалтарскага балансу, кошт яе актываў — усяго 47,6 тыс. рублёў.

З матэрыялаў справы вынікае, што 100% долі ў ААТ належыць Мінскаму гарадскому выканаўчаму камітэту, а асноўны від дзейнасці «Белрыбы» — здача ўнаём уласнай і арандаванай нерухомай маёмасці.

У выніку Эканамічны суд Мінска завёў справу аб банкруцтве ААТ «Белрыба» і адкрыў у дачыненні да прадпрыемства конкурснае вядзенне. Яго вынікі збіраюцца разгледзець 10 верасня 2025 года.

Каментары3

  • даведка
    29.05.2025
    Геннадий Скитов руководил им, когда оно входило в Управление делами Лукашенко.
  • Дзяржаба давяла былога манапаліста да банкруцтва?
    29.05.2025
    Ніколі такога не было, і вось ізноў.
  • Барадзед
    30.05.2025
    даведка, управление делами, вот в чем дело. А потом, значит, мингорисполком добил своими посткоммунистическими воззрениями в бизнесе. Ну что ж, ждём, когда обанкротятся сами управделами и мингорисполком.

Цяпер чытаюць

70-гадовую жанчыну з Гомеля пасадзілі за каментары. Гэта самая пажылая палітзняволеная14

70-гадовую жанчыну з Гомеля пасадзілі за каментары. Гэта самая пажылая палітзняволеная

Усе навіны →
Усе навіны

Літоўская разведка папярэдзіла беларусаў, што іх імкнецца завербаваць КДБ7

Выставілі на аўкцыён кватэру з самага высокага ў Беларусі панэльнага хмарачоса

На адкрыццё дома Саюза жанчын Качанава прыйшла па-параднаму, а Ярмошына — як турыстка ФОТЫ2

Памёр акцёр і рэстлер Халк Хоган2

Каверын не будзе выказвацца пра сітуацыю Стрыжака. Каб не выкраслілі з прафесіі і яго28

У мінскім метро з’явілася новая схема ліній, многім пасажырам не падабаецца дызайн3

Былы гендырэктар Tut.by Аляксандр Чэкан — пра партал, Зісера, стартапы і прагноз па развіцці тэхналогій7

Ціханоўская пра справу Стрыжака: Тое, што зрабіў кіраўнік — не падстава разбураць фундамент10

У царкве-шэдэўры, што згарэла пад Жабінкай, да 2020 года служыў святар-палітвязень Разановіч1

больш чытаных навін
больш лайканых навін

70-гадовую жанчыну з Гомеля пасадзілі за каментары. Гэта самая пажылая палітзняволеная14

70-гадовую жанчыну з Гомеля пасадзілі за каментары. Гэта самая пажылая палітзняволеная

Галоўнае
Усе навіны →

Заўвага:

 

 

 

 

Закрыць Паведаміць