Грамадства33

Прадпрыемства «Белрыба» збанкрутавала

Эканамічны суд Мінска завёў справу аб банкруцтве калісьці буйнога вытворцы рыбнай прадукцыі. ААТ «Белрыба» завінаваціла сваім крэдыторам амаль $33 млн у эквіваленце. Інфармацыя пра гэта ёсць у Адзіным дзяржаўным рэестры звестак аб банкруцтве.

Офіс прадпрыемства «Белрыба» ў Мінску. Фота: Яндэкс-карты

Гісторыя ААТ «Белрыба» пачалася ў снежні 1957 года. Кампанія вядомая на рынку як адзін з найбуйнейшых вытворцаў вэнджана-падвяленай прадукцыі з рыбы, рыбных дэлікатэсаў, кансерваў. У прыватнасці, яе прадукцыя выпускалася пад аднайменнай гандлёвай маркай, а таксама пад брэндамі «Вясёлы Флінт», «Сталічная», «Рыбзавод Мінск». Усяго больш за 400 найменняў. А яе кліентамі былі звыш 2,6 тыс. прадпрыемстваў як у Беларусі, так і за яе межамі. Акрамя гэтага, у кампаніі быў аўтапарк з 44 грузавікоў, а таксама сетка ўласных крамаў па ўсёй краіне, піша Office Life.

З сярэдзіны 2010-х «Белрыба» была стратнай. Па выніках 2016 года кампанія сышла ў мінус на 513 тыс. рублёў, а за 2017 год яе страта вырасла да 1,8 млн рублёў.

З 2018 года кампанія пачала прадаваць сваю маёмасць. Так, у верасні таго года на аўкцыён трапілі абсталяванне і будынкі ў Мінску, а ў лютым 2019-га — гандлёвае і вытворчае абсталяванне, а таксама гандлёвыя памяшканні, у тым ліку ў Слуцку і Нарачы. З канца 2020 года ААТ пачало здаваць частку сваёй маёмасці ў арэнду. Напрыклад, склады, офісныя памяшканні, халадзільныя камеры. Аднак гэта не дапамагло справіцца са стратамі. Так, па выніках 2020 года кампанія сышла ў мінус на 12,7 млн, а за 2021-ы — у мінус 8,8 млн рублёў.

За 2022 год ААТ «Белрыба» таксама паказала страты ў 9,58 млн рублёў. А па выніках 2023 года страта дасягнула 10,662 млн рублёў.

Адметна, што ў сакавіку 2024 года па выніках 2023 года аўдытар ААТ у сваім заключэнні паказваў на наяўнасць «істотнай няпэўнасці адносна бесперапыннасці дзейнасці» прадпрыемства.

У выніку, у сярэдзіне 2025 года ААТ «Белрыба» падала ў суд заяву аб сваім банкруцтве, таму што «памер яго крэдыторскай запазычанасці больш чым у два разы перавышае кошт наяўных у яго актываў». Кампанія вінна сваім крэдыторам амаль 108 млн рублёў, або $33 млн у пераліку. Пры гэтым згодна з дадзенымі бухгалтарскага балансу, кошт яе актываў — усяго 47,6 тыс. рублёў.

З матэрыялаў справы вынікае, што 100% долі ў ААТ належыць Мінскаму гарадскому выканаўчаму камітэту, а асноўны від дзейнасці «Белрыбы» — здача ўнаём уласнай і арандаванай нерухомай маёмасці.

У выніку Эканамічны суд Мінска завёў справу аб банкруцтве ААТ «Белрыба» і адкрыў у дачыненні да прадпрыемства конкурснае вядзенне. Яго вынікі збіраюцца разгледзець 10 верасня 2025 года.

Каментары3

  • даведка
    29.05.2025
    Геннадий Скитов руководил им, когда оно входило в Управление делами Лукашенко.
  • Дзяржаба давяла былога манапаліста да банкруцтва?
    29.05.2025
    Ніколі такога не было, і вось ізноў.
  • Барадзед
    30.05.2025
    даведка, управление делами, вот в чем дело. А потом, значит, мингорисполком добил своими посткоммунистическими воззрениями в бизнесе. Ну что ж, ждём, когда обанкротятся сами управделами и мингорисполком.

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню60

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

Вядучая «Марафону адзінства» ў падтрымку Лукашэнкі адпачывала ў Латвіі27

На поўначы Брэста працягвае смярдзець, улады заклікаюць «не панікаваць»2

Са Швецыі дэпартуюць яшчэ адну беларускую сям'ю11

Пад Быхавам адкрылі помнік археалагічнай знаходцы 1960 года. Ён падобны да надмагілля

Ва Украіне пад уплывам пратэстаў вяртаюць незалежнасць антыкарупцыйным органам8

У Мёрах падлетак прадаваў парнаграфію, выкарыстаўшы нумар суседа

Берасцеец ператварыў сямітонны валун у каменную ванну5

Мінчукі скардзяцца на атручванне пасля наведвання вядомага рэстарана. Працу ўстановы прыпынілі7

«Саўт-парк» жорстка высмяяў Трампа. Белы дом рэзка асудзіў12

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню60

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць