У ЗША знайшлі цела шасцігадовага хлопчыка — маці кажа, што з яго «выганялі дэманаў»
У доме ў горадзе Форт-Пірс, штат Фларыда, знайшлі цела малалетняга хлопчыка. Яго маці абвінавачваюць у забойстве, паведамляе ABC News.
Шасцігадовы Раміль П'ер не наведваў школу з 14 мая, таму паліцыю папрасілі праверыць, ці ўсё з ім у парадку.
30 мая яны прыехалі ў дом П'ера. Маці хлопчыка Ронда Джойс Полініс правяла аднаго з паліцэйскіх у спальню. Яе сын быў знойдзены мёртвым у ложку.
«Яна сказала, што верыла, што Бог загадаў ёй выгнаць дэманаў з цела дзіцяці. Калі дзіця перастала рухацца і, па сутнасці, памерла, у гэты момант яна адчула, што дзіця вызвалілася ад гэтых дэманаў, і чакала, што ў гэты час яно, па сутнасці, вернецца», — расказаў шэрыф раёну на брыфінгу.
Па матэрыялах справы, у доме жылі толькі маці і сын. Раней паліцыя ўжо наведвалася на гэты адрас — у прыватнасці, з-за «хатніх праблем» з іншым членам сям'і, які калісьці там жыў, а таксама з-за «медыцынскага інцыдэнту», які адбыўся з жанчынай 17 мая-за дзень да меркаванага забойства Раміла.
«Але не было нічога, што непасрэдна тычылася дзіцяці і магло б папярэдзіць нас аб цяперашняй сітуацыі», — дадаў шэрыф.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары