U ZŠA znajšli cieła šaścihadovaha chłopčyka — maci kaža, što ź jaho «vyhaniali demanaŭ»
U domie ŭ horadzie Fort-Pirs, štat Fłaryda, znajšli cieła małaletniaha chłopčyka. Jaho maci abvinavačvajuć u zabojstvie, paviedamlaje ABC News.
Šaścihadovy Ramil Pjer nie naviedvaŭ škołu z 14 maja, tamu palicyju paprasili pravieryć, ci ŭsio ź im u paradku.
30 maja jany pryjechali ŭ dom Pjera. Maci chłopčyka Ronda Džojs Polinis praviała adnaho z palicejskich u spalniu. Jaje syn byŭ znojdzieny miortvym u łožku.
«Jana skazała, što vieryła, što Boh zahadaŭ joj vyhnać demanaŭ ź cieła dziciaci. Kali dzicia pierastała ruchacca i, pa sutnaści, pamierła, u hety momant jana adčuła, što dzicia vyzvaliłasia ad hetych demanaŭ, i čakała, što ŭ hety čas jano, pa sutnaści, vierniecca», — raskazaŭ šeryf rajonu na bryfinhu.
Pa materyjałach spravy, u domie žyli tolki maci i syn. Raniej palicyja ŭžo naviedvałasia na hety adras — u pryvatnaści, z-za «chatnich prablem» ź inšym členam siamji, jaki kaliści tam žyŭ, a taksama z-za «miedycynskaha incydentu», jaki adbyŭsia z žančynaj 17 maja-za dzień da mierkavanaha zabojstva Ramiła.
«Ale nie było ničoha, što niepasredna tyčyłasia dziciaci i mahło b papiaredzić nas ab ciapierašniaj situacyi», — dadaŭ šeryf.
Ciapier čytajuć
Dyrektarka etałonnaha kałhasa ŭ Dobrušy 12 hadoŭ chavała padziež i źbivała padnačalenych. Adnaho sprabavała nakarmić siłasam19
Kamientary