1 ліпеня падчас урачыстага сходу да свята 3 ліпеня Аляксандр Лукашэнка паведаміў, што вучэнні «Захад-2025», якія праводзяцца сумесна з Расіяй, будуць праходзіць далей ад мяжы — у цэнтральнай частцы краіны. Паводле яго слоў, гэта зроблена, каб «не падліваць алею ў агонь» і не рэагаваць на дзеянні НАТА.
«Мы амаль удвая скарацілі колькасць войскаў і перанеслі іх за сотні кіламетраў ад мяжы», — адзначыў Лукашэнка.
Ён таксама заявіў, што вучэнні НАТА «Абаронца Еўропы» каля беларускай мяжы нясуць пагрозу. Маўляў, 25 тысяч вайскоўцаў і 3 тысячы адзінак тэхнікі знаходзяцца літаральна «за 10—15 кіламетраў ад нашай зямлі».
Пра тое, што маштабы вучэнняў будуць скарочаныя, а манеўры пройдуць далей ад заходняй мяжы, яшчэ 28 мая паведаміў міністр абароны Віктар Хрэнін. Ён падкрэсліў, што гэта зроблена, каб прадэманстраваць гатоўнасць Беларусі да «дыялогу, кампрамісаў і зніжэння напружанасці».
Сёння той жа Хрэнін паспрабаваў запусціць версію, што ніякага пераносу вучэнняў «Захад-2025» углыб Беларусі не адбылося — маўляў, іх і ад пачатку не планавалі праводзіць каля мяжы. Аднак жа Лукашэнка абвергнуў словы свайго падначаленага ўсяго праз некалькі гадзін.
Цяпер чытаюць
Лукашэнка загаварыў пра прарасійскасць Ціханоўскага, баючыся назваць яго імя37
Каментары