1 lipienia padčas uračystaha schodu da śviata 3 lipienia Alaksandr Łukašenka paviedamiŭ, što vučeńni «Zachad-2025», jakija pravodziacca sumiesna z Rasijaj, buduć prachodzić dalej ad miažy — u centralnaj častcy krainy. Pavodle jaho słoŭ, heta zroblena, kab «nie padlivać aleju ŭ ahoń» i nie reahavać na dziejańni NATA.
«My amal udvaja skaracili kolkaść vojskaŭ i pieranieśli ich za sotni kiłamietraŭ ad miažy», — adznačyŭ Łukašenka.
Jon taksama zajaviŭ, što vučeńni NATA «Abaronca Jeŭropy» kala biełaruskaj miažy niasuć pahrozu. Maŭlaŭ, 25 tysiač vajskoŭcaŭ i 3 tysiačy adzinak techniki znachodziacca litaralna «za 10—15 kiłamietraŭ ad našaj ziamli».
Pra toje, što maštaby vučeńniaŭ buduć skaročanyja, a manieŭry projduć dalej ad zachodniaj miažy, jašče 28 maja paviedamiŭ ministr abarony Viktar Chrenin. Jon padkreśliŭ, što heta zroblena, kab prademanstravać hatoŭnaść Biełarusi da «dyjałohu, kampramisaŭ i źnižeńnia napružanaści».
Siońnia toj ža Chrenin pasprabavaŭ zapuścić viersiju, što nijakaha pieranosu vučeńniaŭ «Zachad-2025» uhłyb Biełarusi nie adbyłosia — maŭlaŭ, ich i ad pačatku nie płanavali pravodzić kala miažy. Adnak ža Łukašenka abvierhnuŭ słovy svajho padnačalenaha ŭsiaho praź niekalki hadzin.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary