У Гомелі мужчына парэзаў сабе шыю на прыпынку, сам не ведаючы навошта
У Гомелі на прыпынку «Вуліца Пенязькова» затрымалі мужчыну, які сам сабе нанёс раненні ў вобласць шыі. Як высветлілася, ён быў пад уздзеяннем моцных псіхатропных рэчываў, піша гарадскі часопіс «Белка».
38-гадовы гамяльчук даўно стаіць на ўліку ў наркалагічным дыспансеры і раней шматкроць судзіўся — у тым ліку за злачынствы, звязаныя з наркотыкамі.
У той дзень ён праз інтэрнэт замовіў мефедрон, забраў «закладку» і ўвёў сабе рэчыва ў пад'ездзе адной з новабудоўляў у раёне гомельскай Шведскай Горкі. Але хутка зразумеў, што гэта быў не мефедрон, а альфа-PVP — надзвычай небяспечны сінтэтычны наркотык. Далей ён нічога не памятае.
Праз некаторы час мужчыну знайшлі на прыпынку, дзе ён ужо рэзаў сябе нажом. Пры асабістым даглядзе міліцыя выявіла рэшткі таго ж наркотыку. Мужчыну абвінавацілі ў незаконным набыцці, захоўванні і перавозцы псіхатропных рэчываў без мэты збыту — яму пагражае да 5 гадоў пазбаўлення волі.
Альфа-PVP — гэта моцны сінтэтычны стымулятар, які хутка выклікае залежнасць і можа прывесці да псіхозаў, галюцынацый і небяспечнай агрэсіі. Людзі пад яго дзеяннем часта паводзяць сябе неадэкватна і небяспечна як для сябе, так і для іншых.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары