У Францыі зняволены змог збегчы з турмы — яго вынес у сумцы сукамернік, які вызваліўся
Мужчына проста вынес зняволенага з турмы — і ніхто нічога не заўважыў.
У французскім Ліёне расследуюць уцёкі з турмы: адзін са зняволеных схаваўся ў дарожнай сумцы свайго сукамерніка, які ў той дзень выходзіў на волю. 11 ліпеня мужчына проста вынес зняволенага з турмы — і ніхто нічога не заўважыў. Адсутнасць уцекача выявілі толькі праз суткі, піша Bild.
Збегламу каля 20 гадоў — і ён ужо адбываў некалькі тэрмінаў. Больш за тое, яго падазраюць ва ўдзеле ў падвойным забойстве і сувязях з арганізаванай злачыннасцю. У турме пачалі ўнутранае расследаванне, а сукамернік, які вынес сумку, цяпер сам можа зноў апынуцца за кратамі — ужо за дапамогу ва ўцёках.
Турма Ліён-Карбас, адкуль адбыліся ўцёкі, даўно лічыцца праблемнай. Яна разлічана на 678 чалавек, але на 1 мая там знаходзіліся 1218 зняволеных, гэта значыць амаль у два разы больш за норму.
Гэта не першы трывожны інцыдэнт ва ўстанове: на наступны дзень пасля ўцёкаў невядомы абліў браму бензінам і кінуў у іх «кактэйль Молатава», а таксама пакінуў плакат з пагрозамі ў адрас супрацоўніка турмы.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў9
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары