Трэці раўнд перамоваў Расіі і Украіны ў Стамбуле можа адбыцца ў сераду або чацвер, 23 або 24 ліпеня, паведамляе туркамоўная версія газеты Independent са спасылкай на дыпламатычныя крыніцы.
Перамовы 2 чэрвеня. Скрыншот відэа
Сустрэча будзе ўключаць «тэхнічныя перамовы па абмежаваным коле пытанняў», піша выданне. Як чакаецца, бакі абмяркуюць гуманітарную дапамогу, абмен палоннымі, бяспеку інфраструктуры і меры па ахове межаў.
Прадстаўнікі дзвюх краін сустракаліся ў Стамбуле двойчы: 16 мая і 2 чэрвеня. Расія і Украіна, у прыватнасці, дамовіліся аб абмене палоннымі і перадалі адна адной версіі мемарандумаў аб урэгуляванні.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню45
Каментары