«Беллегпрам» прадставіў абутак «для сапраўдных патрыётаў» Беларусі
Дзяржаўны канцэрн лёгкай прамысловасці «Беллегпрам» паказаў новую калекцыю абутку, які, па словах прадстаўнікоў канцэрна, прызначаны для маладых беларусаў — удзельнікаў вайскова-патрыятычных гурткоў і класаў.
У паведамленні абутак назвалі «абуткам сапраўдных патрыётаў». Спецыяльную лінейку распрацавалі менавіта для навучэнцаў патрыятычных секцый і клубаў Рэспублікі Беларусь.
У «Беллегпраме» адзначаюць, што мадэлі калекцыі ствараліся з улікам будучай страявой падрыхтоўкі і актыўных заняткаў. Пры гэтым падкрэсліваецца, што абутак адпавядае ўсім строгім патрабаванням, што выстаўляюцца да дзіцячай і падлеткавай прадукцыі.
Асноўную частку калекцыі складаюць боты. У канцэрне запэўнілі, што яны будуць зносаўстойлівымі дзякуючы выкарыстанню натуральнай скуры высокай якасці і сертыфікаваных матэрыялаў.
Вытворцам калекцыі выступіла прадпрыемства «Чаўляр».
Каментары
Лукашенко сам об этом говорил и говорит.