Блогер прэзентаваў катлеты «па-ціханоўску» на фестывалі «Тутака» на Падляшшы. Цяпер страву па яго рэцэпце пакаштавалі еўрапейскія дыпламаты, якія працуюць у Літве.
Мерапрыемства прайшло на тэрыторыі амбасады Даніі. На яго прыйшлі больш за 15 паслоў. Акцыю прымеркавалі да чарговых угодкаў 9 жніўня.
«Сёння днём у садзе нашай амбасады адбыўся мілы збор разам з Сяргеем Ціханоўскім у якасці шэф-кухара. Цудоўная кампанія, добрая ежа і беларуская музыка. Дзякуй вам усім», — напісала пра мерапрыемства амбасадарка Даніі ў Літве Грэтэ Сіласэн.
Святлана Ціханоўская падзякавала дыпламатцы за гасціннасць і адзначыла, што цяпер сапраўды ведае, што такое дацкае «хюге».
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі4
Каментары