На трасе пад Мінскам кіроўца збіў маладога трыятланіста і ўцёк, пакінуўшы хлопца паміраць
Трагедыя здарылася ў пятніцу, 8 жніўня, на трасе М2 (Мінск — Нацыянальны аэрапорт Мінск), паблізу Каралёва Стана, піша Onliner.by.
Легкавік збіў веласіпедыста. Мяркуючы па фота, у аўтамабіля пашкоджаны дах і разбіта лабавое шкло — відаць, туды прыйшоўся ўдар. Ровар паламаны.
Як стала вядома, кіроўца скруціў нумары са свайго аўто і ўцёк, нават не выклікаўшы хуткую дапамогу.
Урэшце раварысты забралі хлопца з месца аварыі, але выратаваць не змаглі.
Акалічнасці здарэння пакуль не высветленыя. Але на М2 ёсць шырокая ўзбочына, па якой, паводле патрабаванняў ПДР, раварыстам дазволена рухацца, а аўтамабілям — не.
Учора афіцыйны канал Беларускай федэрацыі трыятлона апублікаваў навіну пра гібель маладога спартоўца Ціхана Сіневіча.
— Трагедыя адбылася 8 жніўня, у пятніцу, падчас велатрэніроўкі. Медыкі змагаліся за ягонае жыццё, але, на жаль, выратаваць Ціхана не ўдалося, — гаворыцца ў паведамленні.
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары