Беларускі дызайнер стаў сусветна вядомым дзякуючы дзіўным відэа — іх глядзяць дзясяткі мільёнаў чалавек
Беларускі дызайнер Апці Эзіеў выпускае брутальнае адзенне, але большую папулярнасць яму прынеслі вірусныя ролікі.
З 2007 года мужчына мае ўласны брэнд адзення і аксэсуараў і носіць выключна свае рэчы.
На Апці Эзіева падпісана 1,6 мільёна чалавек у інстаграме, 805 тысяч у тыктоку і 621 тысяча ў ютубе. У чым сакрэт шалёнай папулярнасці, сказаць складана. Сам дызайнер сцвярджае, што справа ў яго ўпартасці, працавітасці і выхаванні.
Апошнія 10 гадоў ён займаецца паляпшэннем сваёй знешнасці: Апці старанна сочыць за харчаваннем, займаецца спортам і нават зрабіў пластычную аперацыю і перасадку валасоў.
Развіваць свае сацыяльныя сеткі ён пачаў у 2019 годзе.
Найбольш папулярны сюжэт яго ролікаў такі: Айці ідзе па вуліцы і быццам выпадкова сутыкаецца з дзяўчынай, якая размаўляе з сяброўкай — дзяўчына пасля гэтага глядзіць на мужчыну з захапленнем. У інстаграме адно з такіх відэа набрала каля 70 мільёнаў праглядаў і 1,5 мільёна лайкаў.
Ёсць і іншы варыянт канцоўкі такога сюжэту: Апці сутыкаецца з дзяўчынай, якая выглядае вельмі далёкай ад звычайных гераінь яго відэа (а ўдзельнічаюць у іх дзяўчаты мадэльных параметраў), рашуча бярэ яе за руку і зводзіць яе ад стройных сябровак. У тыктоку ў такога роліка 25,5 мільёна праглядаў і больш за мільён лайкаў.
I'm happy now• Теперь я счастлив•
Яшчэ адзін тыповы сюжэт Айці: ён падсаджваецца ў кафэ да дзяўчыны, якая снедае, і ці пачынае яе карміць, ці сам есць яе ежу.
This is just the first meeting• Это только первая встреча•
Апці здымае ролікі амаль што ў прамысловых маштабах. Ён актыўна прапаноўвае ўсім ахвотным стаць героем ці гераіняй сваіх відэа. Колькі каштуе такая інтэграцыя, мужчына адкрыта не кажа. Але зразумела, што таннай паслуга быць не можа. Як мінімум праз тое, што задзейнічана ў працэсе цэлая каманда, якая здымае, мантуе, робіць саўнд-дызайн.
Азіеў цяпер жыве ў Дубаі, але гатовы вылецець для здымкаў у любую кропку свету — для Мінска і Масквы абяцае асабліва прыемныя ўмовы.
Пры гэтым Апці ўпэўнены: калі б на яго падпісаліся ўсе зайздроснікі (якія ўсё роўна глядзяць яго сацсеткі), яго аўдыторыя была б ужо 10 мільёнаў чалавек.
Сваёй галоўнай мэтай Апці называе стаць адным з самых крутых акцёраў у Галівудзе і зняць свой уласны фільм.
Беларуска стварыла інстаграм-рэаліці. Паспяхова ідзе ўжо пяты сезон
Відэа дзяўчыны з адной нагой завірусіліся ў тыктоку. У яе кранальная гісторыя
Мінскай блогерцы не хапае на першы ўзнос за машыну. Яна прадае любімыя стрынгі за тысячу еўра
Простая жанчына з вёскі на Міншчыне збірае сваімі танцамі мільёны праглядаў у тыктоку
Мікола Бугай: Трэба перагарнуць старонку 2020-га і пачаць жыць новымі рэаліямі53
Каментары