Biełaruski dyzajnier staŭ suśvietna viadomym dziakujučy dziŭnym videa — ich hladziać dziasiatki miljonaŭ čałaviek
Biełaruski dyzajnier Apci Ezijeŭ vypuskaje brutalnaje adzieńnie, ale bolšuju papularnaść jamu prynieśli virusnyja roliki.
Z 2007 hoda mužčyna maje ŭłasny brend adzieńnia i aksesuaraŭ i nosić vyklučna svaje rečy.
Na Apci Ezijeva padpisana 1,6 miljona čałaviek u instahramie, 805 tysiač u tyktoku i 621 tysiača ŭ jutubie. U čym sakret šalonaj papularnaści, skazać składana. Sam dyzajnier śćviardžaje, što sprava ŭ jaho ŭpartaści, pracavitaści i vychavańni.
Apošnija 10 hadoŭ jon zajmajecca palapšeńniem svajoj źniešnaści: Apci staranna sočyć za charčavańniem, zajmajecca sportam i navat zrabiŭ płastyčnuju apieracyju i pierasadku vałasoŭ.
Raźvivać svaje sacyjalnyja sietki jon pačaŭ u 2019 hodzie.
Najbolš papularny siužet jaho rolikaŭ taki: Apci idzie pa vulicy i byccam vypadkova sutykajecca ź dziaŭčynaj, jakaja razmaŭlaje ź siabroŭkaj — dziaŭčyna paśla hetaha hladzić na mužčynu z zachapleńniem. U instahramie adno z takich videa nabrała kala 70 miljonaŭ prahladaŭ i 1,5 miljona łajkaŭ.
Jość i inšy varyjant kancoŭki takoha siužetu: Apci sutykajecca ź dziaŭčynaj, jakaja vyhladaje vielmi dalokaj ad zvyčajnych hieraiń jaho videa (a ŭdzielničajuć u ich dziaŭčaty madelnych paramietraŭ), rašuča biare jaje za ruku i zvodzić jaje ad strojnych siabrovak. U tyktoku ŭ takoha rolika 25,5 miljona prahladaŭ i bolš za miljon łajkaŭ.
I'm happy now• Tiepieŕ ja sčastliv•
Jašče adzin typovy siužet Apci: jon padsadžvajecca ŭ kafe da dziaŭčyny, jakaja śniedaje, i ci pačynaje jaje karmić, ci sam jeść jaje ježu.
This is just the first meeting• Eto tolko piervaja vstrieča•
Apci zdymaje roliki amal što ŭ pramysłovych maštabach. Jon aktyŭna prapanoŭvaje ŭsim achvotnym stać hierojem ci hierainiaj svaich videa. Kolki kaštuje takaja intehracyja, mužčyna adkryta nie kaža. Ale zrazumieła, što tannaj pasłuha być nie moža. Jak minimum praz toje, što zadziejničana ŭ pracesie cełaja kamanda, jakaja zdymaje, mantuje, robić saŭnd-dyzajn.
Azijeŭ ciapier žyvie ŭ Dubai, ale hatovy vylecieć dla zdymkaŭ u lubuju kropku śvietu — dla Minska i Maskvy abiacaje asabliva pryjemnyja ŭmovy.
Pry hetym Apci ŭpeŭnieny: kali b na jaho padpisalisia ŭsie zajzdrośniki (jakija ŭsio roŭna hladziać jaho sacsietki), jaho aŭdytoryja była b užo 10 miljonaŭ čałaviek.
Svajoj hałoŭnaj metaj Apci nazyvaje stać adnym z samych krutych akcioraŭ u Halivudzie i źniać svoj ułasny film.
Biełaruska stvaryła instahram-realici. Paśpiachova idzie ŭžo piaty siezon
Videa dziaŭčyny z adnoj nahoj zavirusilisia ŭ tyktoku. U jaje kranalnaja historyja
Minskaj błohiercy nie chapaje na pieršy ŭznos za mašynu. Jana pradaje lubimyja strynhi za tysiaču jeŭra
Prostaja žančyna ź vioski na Minščynie źbiraje svaimi tancami miljony prahladaŭ u tyktoku
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary