Мінскай блогерцы не хапае на першы ўзнос за машыну. Яна прадае любімыя стрынгі за тысячу еўра
Блогерка Крысціна Левіна шукае, дзе ўзяць 4 тысячы даляраў — не хапае на першы ўзнос на новую машыну. Яна вырашыла прадаць падпісчыкам за шалёныя грошы ношаныя стрынгі і шкарпэткі. І гэта не ўсе незвычайныя лоты.
Блогерка Крысціна Левіна з Бабруйска, але апошнія гады жыве ў Мінску. Раней яна зарабляла на драўляных сумачках з ручным роспісам. Цяпер маладая жанчына робіць стаўку на тое, што дапамагае беларусам і расіянам абыходзіць забарону на манетызацыю тыктоку.
Крысціна загарэлася ідэяй памяняць аўтамабіль. Плануе ўзяць у салоне гібрыдную Mazda EZ-6 2025 года. Але ёй не хапае на першы ўзнос 4 тысячы даляраў. Таму блогерка, якая мае ў інстаграме каля 66 тысяч падпісчыкаў, вырашыла зладзіць цягам 24 гадзін распродаж незвычайных лотаў.
Першай прапановай сталі самыя любімыя стрынгі Крысціны — з пярлінамі. За іх блогерка хоча атрымаць тысячу eўра, ці прыкладна 3600 беларускіх рублёў.
— Паколькі былыя ва ўжыванні рэчы не абкладаюцца падаткам, правесці іх праз ІП нельга. Таму аплата на фізічную карту, — растлумачыла Крысціна.
Другім лотам сталі белыя шкарпэткі, таксама не новыя. За дзве пары блогерка просіць 890 рублёў.
За 290 рублёў Левіна абяцае кожны дзень цягам 10 дзён дасылаць пакупніку кружочак у тэлеграме, дзе будзе жадаць добрага ранку і агучваць нейкі матывацыйны спіч. Такіх лотаў Крысціна прапануе адразу тры.
Таксама можна арандаваць у блогеркі на 5 дзён шапку яе профілю ў інстаграме (за 490 рублёў Крысціна гатовая нават аватарку змяніць), запісаць з Левінай сумеснае відэа для інстаграма (490 рублёў), заказаць расповед пра свой бізнэс (590 рублёў).
За 790 рублёў прадпрымальная дзяўчына прадае сумачку з любым малюнкам — абяцае вельмі спецыфічны сюрпрыз унутры. Самая танная прапанова — падкаст пра прасоўванне праз асабісты брэнд. Каштуе 29 рублёў.
Ёсць і яшчэ незвычайныя варыянты. За 299 рублёў Крысціна гатовая накарміць пакупніка ў сябе дома скумбрыяй халоднага вэнджання з бульбачкай. Падчас такой вячэры прапануе абмеркаваць тэму асабістага брэнду і манетызацыю тыктоку.
Дарэчы, беларускія блогеркі не ўпершыню прадаюць незвычайныя рэчы за шалёныя грошы. Напрыклад, летась у кастрычніку блогерка з Мінска Алена Кардон-Мелавацкая сярод іншых лотаў прадавала пяць «зараджаных на пахуданне» бутэлек колы па 100 рублёў за штуку. За першыя 7 гадзін у яе атрымалася зарабіць амаль 22 тысячы рублёў.
Блогерка Іра Місмо на мінулы Дзень усіх закаханых прадавала падпісчыкам свае фотаздымкі з новым хлопцам. Кошт быў невялікі — 15 рублёў. Але ў выніку за суткі здымкі купіў 421 чалавек. Блогерка пахвалілася, што зарабіла на гэтым 6315 рублёў.
«Колькі павінен зарабляць хлопец у Мінску, каб сустракацца з вамі?» Скандал вакол вулічнага апытання
Пара хоча сабраць 10 тысяч даляраў з падпісчыкаў у інстаграме на вяселле мары
Беларускай блогерцы адмовіліся прадаваць рэмень «Луі Вітон». Яна абураная
«У Беларусі абышлося б даражэй». Блогерка адсвяткавала вяселле на Паўночным Кіпры і распавяла, колькі гэта каштуе
На вайне ва Украіне загінуў былы дырэктар двух аршанскіх заводаў4
Каментары