Лукашэнка прапанаваў стварыць холдынг з дзяржаўных і прыватных фармацэўтычных прадпрыемстваў
15 жніўня ў Мінску адбылася нарада па развіцці біяфармацэўтыкі з удзелам Аляксандра Лукашэнкі. Ён прапанаваў стварыць адзіны арганізацыйны механізм, у якім дзяржаўныя і прыватныя фармацэўтычныя прадпрыемствы маглі б працаваць разам на аснове агульных інтарэсаў, піша БелТА.
На сустрэчы прысутнічалі кіраўнікі Віцебскага аблвыканкама, Міністэрства аховы здароўя, Міністэрства сельскай гаспадаркі і харчавання, Камітэта дзяржаўнага кантролю, урада, адміністрацыі Лукашэнкі, НАН Беларусі, а таксама прадстаўнікі бізнэсу і навуковай супольнасці.
Першапачаткова асноўны даклад павінен быў зрабіць старшыня Віцебскага аблвыканкама, бо галоўная ўвага надавалася правальнай працы кампаніі «БелВітуніфарм», якая дзейнічае ў Віцебскім раёне. Аднак Лукашэнка вырашыў пашырыць гэтую тэму перадаў слова старшыні Прэзідыума НАН Уладзіміру Караніку, які раней узначальваў Міністэрства аховы здароўя.
Абмяркоўвалася, што ў холдынг «Белфармпрам» уваходзяць толькі вытворцы медыцынскіх прэпаратаў, а вытворцы ветэрынарных вакцын падпарадкоўваюцца пераважна Мінсельгасхарчу.
І дзяржаўныя, і прыватныя прадпрыемствы цяпер дзейнічаюць асобна, што, паводле Лукашэнкі, вядзе да непатрэбнага дублявання вытворчасцяў і канкурэнцыі.
Таму ён заявіў, што дзяржава мае рэгулятарныя інструменты, але, маўляў, замест «выкручвання рук» трэба аб’ядноўваць намаганні. Ён прапанаваў разгледзець стварэнне холдынгу, які б улічваў інтарэсы і дзяржаўных, і прыватных кампаній, але пры гэтым нібыта празмерна ўмешвацца ў працу бізнэсу не плануецца.
«У нас з'явілася куча разрозненых прадпрыемстваў, якія, можа быць, і дублююць вытворчасці дзяржаўных. А можа быць, незразумела навошта канкуруюць потым на рынках і іншае. Чаму мы не можам стварыць пэўны холдынг, дзе былі б улічаныя інтарэсы і дзяржаўных, і прыватных [прадпрыемстваў]?» — заявіў Лукашэнка.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары
Гл. мой каментар пад папярэднай навіною пра правал у працы БелВітуніфарм