«У 2020-м хтосьці прыставіў нож да горла кіроўцы, а хтосьці пукнуў». Лідар «Драздоў» вельмі дзіўна пакаяўся за 2020 год
Віталь Карпанаў вельмі хоча гастролі ў Мінску, але туды яго пакуль не пускаюць.
У чэрвені група «Дразды» абвясціла, што спыняе выступленні ў Беларусі. Лідар калектыву Карпанаў тады абвінаваціў у пераследзе «гіперактыўных блогераў» — тут адчувалася даносчыца Вольга Бондарава, якая вядзе супраць «Драздоў» сапраўдную свяшчэнную вайну. Яна лічыць, што Карпанаў у 2020 годзе падтрымаў пратэсты.
Але, як выглядае, «Дразды» вернуцца да гастроляў. Прычым ім дазволяць выступаць і ў абласных гарадах, хаця раней забаранялі.
Карпанаў у інтэрв'ю расійскаму выданню «Спутнік» нават вырашыў яшчэ раз публічна пакаяцца за «няправільную» пазіцыю ў 2020 годзе. Для гэтага музыка выбраў нейкую вельмі дзіўную алегорыю.
«Я згодны з крытыкамі, якія зараз скажуць: а вы самі вінаватыя! Я ўжо казаў, прасіў прабачэнне не раз, калі мяне няправільна разумелі ў тыя часы.
Я для сябе гэта бачу так, калі мы самі вінаватыя. Давай так. У 2020 годзе мы ехалі ўсе ў адным вялікім аўтобусе па зададзеным маршруце. І вось нехта адзін вырашыў прыставіць нож да горла кіроўцы маршруткі, аўтобуса і сказаў: а я хачу на мора! А ў гэты час ад страху нехта пукнуў. Сапсаваў паветра.
Дык вось не трэба змешваць віну тых, хто пукнуў ад страху, і тых, хто падставіў нож. Гэта розныя ступені адказнасці. І ў гэтым плане давайце разбяромся. Давайце тых, хто пукнуў проста, вернем у строй. Таму што ўся краіна пакутуе з-за таго, што нехта ад страху крыху паддаў у штаны», — выказаўся Карпанаў.
Нягледзячы на публічныя пакаянні і выступы з чырвона-зялёным сцягам, у Мінск «Драздоў» пакуль не пускаюць.
-
Антаніна Канавалава расказала, як яе прымушалі падпісаць прашэнне пра памілаванне
-
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
-
«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце25
Каментары
І падумайце яшчэ: калі ў творцы ў галаве фекальная тэматыка, якімі словамі думаюць чыноўнікі і карнікі.