Работнік мінскай СТА таемна з'ездзіў на чужой машыне ў Брэст па запчасткі. Усё выявілася выпадкова
Майстар вырашыў пакатацца на чужым аўтамабілі, але не ўлічыў адзін момант.
Мінчук ставіў сваю машыну на СТА для рамонту. Здавалася б, нічога незвычайнага. Аўто адрамантавалі і вярнулі ўладальніку. Ён працягнуў на ім ездзіць. Але праз некаторы час мужчына раптам атрымаў «ліст шчасця» за перавышэнне хуткасці на дарозе ў Брэсцкай вобласці.
Толькі па той дарозе мінчанін не ездзіў. Дый увогуле ў той момант, калі камера зафіксавала машыну, яна павінна была знаходзіцца на СТА. Уладальнік аўто зразумеў, што тут нешта не чыста, і пайшоў у міліцыю.
Сілавікі высветлілі, што машынай карыстаўся работнік СТА. Ён прайшоў на ёй тэхагляд, а потым паехаў на Брэстчыну па запчасткі і абсталяванне. Магчыма, пра гэта так ніхто і не даведаўся б. Калі б рамонтнік не перавысіў хуткасць.
Зараз яго чакае крымінальная справа за крадзеж.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары