Каля 20:00 27 жніўня над Рэчыцай на невялікай вышыні праляцеў дрон, які па сілуэце адпавядае расійскаму БпЛА «Гербера». Пазней, у 20:15, месцічы пачулі гул самалёта, якім аказаўся беларускі знішчальнік, адпраўлены для знішчэння дрона, піша «Флагшток».
У той жа вечар беспілотнік праляцеў праз Мазыр, дзе ў розных частках горада чулі характэрны гук, што нагадвае гук мапеда. Украінскія маніторынгавыя каналы не паведамлялі пра перасячэнне мяжы Беларусі расійскімі БпЛА ў той час. Гэта можа сведчыць пра тое, што ў Гомельскую вобласць уварваліся дроны-імітатары «Гербера», якія дрэнна фіксуюцца радарамі.
Акрамя таго, падчас паветранай атакі ў ноч на 28 жніўня дзве расійскія ракеты маглі пралятаць над тэрыторыяй Беларусі. У першым выпадку ракета магла пралятаць над выступам Брагінскага раёна.
У другім выпадку — дзве ракеты над Гомелем, паведаміў Флагштоку ўкраінскі маніторынгавы канал «еРадар». Палёт зафіксаваны каля 3 гадзіны ночы. Аднак іншыя каналы не паведамлялі пра такі факт, інфармацыі ад жыхароў Гомельскага раёна пра фіксацыю гуку палёту таксама не было.
Паводле афіцыйнай інфармацыі Паветраных сіл УСУ, гэтай ноччу Расія атакавала Украіну ў тым ліку балістычнымі ракетамі «Іскандэр-М»/KN-23, выпушчанымі з Бранскай вобласці. Імаверна, менавіта яны маглі пралятаць над Гомелем.
Асноўны ўдар быў накіраваны на Кіеў, дзе, паводле дадзеных на поўдзень, паведамляецца ўжо пра 15 загінулых мірных жыхароў, сярод якіх чацвёра дзяцей. Ракеты трапілі ў жылыя дамы і прынеслі маштабныя разбурэнні, разбор завалаў працягваецца. Колькасць пацярпелых з-за атакі па грамадзянскай інфраструктуры Кіева ўжо перавысіла 50 чалавек.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары