Ураджэнец Омска Вадзім Круглоў, які пераехаў у ЗША, знойдзены мёртвым на фестывалі Burning Man. Забойцу пакуль не знайшлі. Гэта першая за гісторыю фестывалю смерць, якая з'яўляецца вынікам злачынства.
У амерыканскім штаце Невада вядзецца расследаванне забойства расіяніна на культавым музычным фестывалі Burning Man, які праходзіць у пустыні.
Цела мужчыны было знойдзена вечарам 30 жніўня ў лужыне крыві на тэрыторыі ў часовым горадзе Блэк-Рок-Сіці, які ўзнікае ў пустыні на час правядзення мерапрыемства.
Забіты ўдзельнік фестывалю быў апазнаны, ім аказаўся 37-гадовы грамадзянін РФ Вадзім Круглоў, які пераехаў у ЗША.
Як адзначаецца ў заяве паліцыі, пошукі датычных да забойства і збор доказаў працягваюцца.
Кіраўніцтва Burning Man заявіла, што супрацоўнічае з праваахоўнымі органамі падчас расследавання.
Гэта першая за гісторыю фестывалю смерць, якая з'яўляецца вынікам злачынства. Burning Man мае рэпутацыю фестывалю мастацтва, свабоды і шчаслівай супольнасці, таму смерць тут выклікала шок сярод удзельнікаў.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі
Каментары