Прэзідэнт ЗША Дональд Трамп заявіў, што хацеў бы бачыць прэзідэнта Расіі Уладзіміра Пуціна і кіраўніка Кітая Сі Цзіньпіна на саміце «Вялікай дваццаткі» ў 2026 годзе, які адбудзецца ў Маямі.
Паводле слоў Дональда Трампа, Пуціна і Сі Цзіньпіна можна было б запрасіць як «назіральнікаў».
«Я быў бы рады іх прысутнасці. Яны маглі б прыехаць як назіральнікі. Не ўпэўнены, што яны захочуць быць назіральнікамі. Але калі захочуць, мы, вядома, можам гэта абмеркаваць», — сказаў Трамп падчас падпісання дакумента аб правядзенні мерапрыемства.
Пры гэтым незразумела, чаму Расія і Кітай павінны прыязджаць як «назіральнікі», калі яны ўваходзяць у G20 на паўнапраўных умовах. У такім самым статусе Трамп, дарэчы, прапанаваў і прысутнасць Польшчы, якая прасіла пра гэта раней.
Саміт «дваццаткі» адбудзецца ў ЗША ўпершыню з 2009 года і будзе праходзіць 14—15 снежня 2026 года на гольф-курорце Трампа ў горадзе Дарале (штат Фларыда). Арганізацыяй парадку дня мерапрыемства займаецца міністр фінансаў Скот Бесент, які плануе сканцэнтравацца на пытаннях эканамічнага росту.
У 2025 годзе ў G20 старшынюе Паўднёва-Афрыканская Рэспубліка. Чарговы саміт арганізацыі запланаваны на лістапад у Іаганесбургу, але Трамп ужо адмовіўся ехаць сам і накіруе туды віцэ-прэзідэнта Джэй Дзі Вэнса, паколькі незадаволены палітыкай ПАР.
Пуцін атрымаў афіцыйнае запрашэнне на саміт у ПАР, але пакуль не паведаміў, ці прыме яго. Пасля пачатку вайны з Украінай Расію на сустрэчах G20 прадстаўляе Сяргей Лаўроў, бо Міжнародны крымінальны суд выдаў ордар на арышт Пуціна.
G20 аб’ядноўвае 19 краін і два рэгіянальныя аб’яднанні — Еўрасаюз і Афрыканскі саюз. На ўдзельнікаў групы прыпадае каля 85% сусветнага ВУП і 75% міжнароднага гандлю.
Трамп заявіў, што вядзе з Лукашэнкам перамовы пра вызваленне часткі з 1400 палітвязняў
Трамп паабяцаў не пакінуць без адказу рашэнне ЕС аштрафаваць Google на 3,5 мільярда даляраў
Трамп: Вашынгтон не рыхтуецца да зрынання Мадуры
Трамп выдаў указ, які дазваляе караць краіны, што неправамерна затрымліваюць амерыканцаў
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці3
Каментары