Кіраўнік акупаванай Херсоншчыны напісаў пра пастаўкі з Беларусі медтэхнікі, але праілюстраваў гэта дзіўна
«Абмяркоўваем пастаўкі сучаснага медыцынскага абсталявання для нашых бальніц», — сцвярджаў Уладзімір Сальда ў сваім канале, пры гэтым на прыкладзеных фота ён і ягоныя паплечнікі некуды цэляцца са стралковай зброі.
«Наведалі ААТ «Беларускае оптыка-механічнае аб'яднанне» — прадпрыемства з багатай гісторыяй, якое вырасла з Мінскага механічнага завода імя С. І. Вавілава.
Для Херсонскай вобласці супрацоўніцтва з такім перадавым партнёрам мае асаблівае значэнне. Абмяркоўваем пастаўкі сучаснага медыцынскага абсталявання для нашых бальніц, запуск сумеснай вытворчасці аптычных медыцынскіх прыбораў, стварэнне новых працоўных месцаў», — каментуе зробленыя падчас візіту ў Мінск ваяўнічыя фота кіраўнік акупацыйнай адміністрацыі Херсонскай вобласці Уладзімір Сальда.
Пасля ён увогуле выдаліў пост пра наведванне завода Вавілава ў Мінску.
На сустрэчу Аляксандра Лукашэнкі з дэлегацыяй на чале з Сальда і ягоныя словы пра акупаваную частку Херсоншчыны адрэагавала ўкраінскае МЗС.
Ва ўкраінскім ведамстве назвалі «ганебнымі» як сам факт сустрэчы, так і выказванні Лукашэнкі пра гэтую тэрыторыю як пра «новы рэгіён» Расіі і яго гатоўнасць падтрымліваць акупацыйны рэжым і гандляваць з ім.
Украінскія дыпламаты нагадалі, што паводле міжнароднага права ўсе здзелкі з акупацыйнымі ўладамі з’яўляюцца нікчэмнымі і будуць мець выключна негатыўныя наступствы для Беларусі. Украіна пакідае за сабой права адэкватна рэагаваць, у тым ліку праз узмацненне санкцый і паглыбленне міжнароднай ізаляцыі афіцыйнага Мінска.
Асобна адзначылі і словы Лукашэнкі, што ён «савецкі чалавек» і нібыта лічыць Украіну і Херсоншчыну «сваёй зямлёй». У МЗС нагадалі, што СССР больш за тры дзесяцігоддзі таму знік, і «туды ж, на сметнік гісторыі», рана ці позна трапяць і сам Лукашэнка, і яго сённяшнія госці. Украіна ж, падкрэслілі ў ведамстве, была і будзе адзінай у сваіх міжнародна прызнаных межах.
Цяпер чытаюць
Да «Дня народнага адзінства» памілавалі 25 чалавек4
Каментары
Дык вось "калабаранты/здраднікі" – гэта бальшавіцкая і зараз сучасна беларуская (лукашэнкаўская) версія падзей. Але калі паглядзець з боку беларускага? Бальшавікі акупанты? Ну так... БНР (як і УНР, як і прота ўрады Польшчы, краін Балтыі) паўстала пры "першых" немцах?Так. Дык чаму ж беларускія дзеячы не маглі ізноў паспрабаваць пайсці на супрацу з немцамі з мэтой стварэння незалежнай Беларусі ці каб здабыць навыкі і сродкі для барацьбы супраць бальшавікоў?
Больш таго бальшівцкая расея - як мінімум таксама акупант. Дык чаму ж ты не прыводзіш у прыклад прарасейскіх ці прабальшавіцкіх "калабарантаў"?