Міліцыя знайшла вандалаў, якія разнеслі бетонную агароджу могілак. Ім па дзевяць гадоў
У вёсцы Русота Гродзенскага раёна свяшчэннік пабачыў моцна разбураную бетонную агароджу мясцовых могілак. Міліцыяй было ўстаноўлена, што вінаватыя ў гэтым двое дзевяцігадовых хлопчыкаў.
Паводле гродзенскай міліцыі, дзеці прыехалі на самакатах на могілкі з суседняга спальнага раёна Гродна. Ударамі ног па бетонных панэлях яны пашкодзілі 24 элементы агароджы.
Агульная сума шкоды склала 2400 рублёў.
З-за таго, што дзеці не дасягнулі ўзросту крымінальнай адказнасці, крымінальную справу не заводзілі. Але бацькі цяпер кампенсуюць шкоду.
«Хлопчыкі паходзяць з прыстойных сем’яў, характарызуюцца выключна станоўча, раней у поле зроку міліцыі не траплялі. Паводле іх слоў, яны спрабавалі даказаць адзін аднаму сваю фізічную сілу», — паведаміў намеснік начальніка Гродзенскага РАУС Юрый Скок.
Каментары
ці то хлопцы такія брусы лі
ці то хтосці нагрэўся на упарадкаванні могілак.