«За гэтыя грошы можна купіць машыну». Вяселле за $20 тысяч выклікала буру абмеркаванняў і асуджэнняў
Дзяўчына з Гродна расказала, колькі каштавала яе вяселле ў 2025 годзе. Лічба аказалася настолькі вялікай, што навіна імгненна падзяліла каментатараў на тых, хто захапляўся такім размахам, і тых, хто абураўся такімі выдаткамі, заўважыла выданне «Першы».
У роліку ў тыктоку дзяўчына падрабязна распісала ўсе расходы — атрымалася амаль 20 тысяч даляраў.
Вось асноўныя выдаткі: пляцоўка абышлася ў 1400 даляраў, дэкор — у 2302 даляры, а святло, экран, піратэхніка і «цяжкі дым» — у 1407 даляраў. Найбольшы кавалак бюджэту пайшоў на банкет для 60 гасцей — 3335 даляраў.
Алкаголь і напоі на два дні свята каштавалі 1300 даляраў, на кэндзі-бар пайшло 150 даляраў, каравай абышоўся ўсяго ў 6 даляраў, а харчаванне падрадчыкаў — у 125 даляраў.
Асобна дзяўчына падлічыла ганарары спецыялістаў: арганізатар і каардынатар — 700 даляраў, вядучы і дыджэй разам з абсталяваннем — 1180 даляраў, даплата за вядзенне цырымоніі — 50 даляраў, інтэрв’ю з гасцямі — 200 даляраў, відэограф — 800 даляраў, фатограф — 700 даляраў.
На афіцыйныя фармальнасці пайшло няшмат: ЗАГС — 28 даляраў, пярсцёнкі — 950 даляраў, вянчанне і ахвяраванне касцёлу — 115 даляраў. Гатэль для жаніха і нявесты — 160 даляраў. Вясельны торт каштаваў 250 даляраў, танец — 130 даляраў, вобраз жаніха — 501 даляр, вобраз нявесты — 2235 даляраў. На другі дзень арандавалі сядзібу з лазняй і спальнымі месцамі за 500 даляраў.
У каментарах падпісчыкі не стрымліваліся. Адныя пісалі:
«Прыгожа жыць не забароніш» ці «Выглядае як мара».
Іншыя лічылі, што грошы можна было пусціць на больш практычныя рэчы:
«Можна купіць машыну», «Лепш бы ў жыллё ўклалі», «Лепш бы падарожжа».
Былі і тыя, хто жартуе: «І ўсё гэта дзеля сваякоў, якія падарылі па сто рублёў у канверце». Дзяўчыну пыталіся, ці акупілася вяселле і кім працуе жаніх, калі здолелі назбіраць такую суму. Але сакрэт яна не раскрыла, адзначыўшы толькі, што муж працуе ў будаўніцтве.
Знаходзіліся і тыя, хто падтрымліваў выбар пары:
«Хто б што ні пісаў, але большасць дзяўчат мараць пра такое вяселле (проста не ўсім хапае фінансаў)».
Іншыя дадавалі:
«Мяне вельмі смешыць, як людзі ў каментах лічаць чужыя грошы замест таго, каб проста парадавацца за маладых».
У выніку вяселле стала не толькі сямейным святам, але і тэмай для гарачых інтэрнэт-дыскусій. Адныя ўбачылі ў гэтым бессэнсоўныя выдаткі, іншыя — здзяйсненне мары.
«Жыццё зайграла новымі фарбамі». У Гомелі ўзяла шлюб незвычайная пара: жаніху — 91 год, а нявесце — 72
Дзяўчына з «кавуновага батальёна» Лукашэнкі атрымала ў Рыме прапанову рукі і сэрца. Хто ж жаніх?
«Ненавіджу пед». Лукашэнка завітаў на вяселле. Дык а хто ж пабраўся шлюбам?
«Аня, выходзь за мяне». Гомельская дзяўчына атрымала прапанову з незвычайным шыкам ВІДЭА
Цяпер чытаюць
Як у Беларусі вышукваюць «дармаедаў» і што ад іх хочуць3
Каментары
п.с. за 30 $. і мне давялося яе самой падшываць