«Za hetyja hrošy možna kupić mašynu». Viasielle za $20 tysiač vyklikała buru abmierkavańniaŭ i asudžeńniaŭ
Dziaŭčyna z Hrodna raskazała, kolki kaštavała jaje viasielle ŭ 2025 hodzie. Ličba akazałasia nastolki vialikaj, što navina imhnienna padzialiła kamientataraŭ na tych, chto zachaplaŭsia takim razmacham, i tych, chto aburaŭsia takimi vydatkami, zaŭvažyła vydańnie «Pieršy».
U roliku ŭ tyktoku dziaŭčyna padrabiazna raśpisała ŭsie raschody — atrymałasia amal 20 tysiač dalaraŭ.
Voś asnoŭnyja vydatki: placoŭka abyšłasia ŭ 1400 dalaraŭ, dekor — u 2302 dalary, a śviatło, ekran, piratechnika i «ciažki dym» — u 1407 dalaraŭ. Najbolšy kavałak biudžetu pajšoŭ na bankiet dla 60 haściej — 3335 dalaraŭ.
Ałkahol i napoi na dva dni śviata kaštavali 1300 dalaraŭ, na kendzi-bar pajšło 150 dalaraŭ, karavaj abyšoŭsia ŭsiaho ŭ 6 dalaraŭ, a charčavańnie padradčykaŭ — u 125 dalaraŭ.
Asobna dziaŭčyna padličyła hanarary śpiecyjalistaŭ: arhanizatar i kaardynatar — 700 dalaraŭ, viadučy i dydžej razam z abstalavańniem — 1180 dalaraŭ, dapłata za viadzieńnie cyrymonii — 50 dalaraŭ, intervju z haściami — 200 dalaraŭ, videohraf — 800 dalaraŭ, fatohraf — 700 dalaraŭ.
Na aficyjnyja farmalnaści pajšło niašmat: ZAHS — 28 dalaraŭ, piarścionki — 950 dalaraŭ, viančańnie i achviaravańnie kaściołu — 115 dalaraŭ. Hatel dla žanicha i niaviesty — 160 dalaraŭ. Viasielny tort kaštavaŭ 250 dalaraŭ, taniec — 130 dalaraŭ, vobraz žanicha — 501 dalar, vobraz niaviesty — 2235 dalaraŭ. Na druhi dzień arandavali siadzibu z łaźniaj i spalnymi miescami za 500 dalaraŭ.
U kamientarach padpisčyki nie strymlivalisia. Adnyja pisali:
«Pryhoža žyć nie zabaroniš» ci «Vyhladaje jak mara».
Inšyja ličyli, što hrošy možna było puścić na bolš praktyčnyja rečy:
«Možna kupić mašynu», «Lepš by ŭ žyllo ŭkłali», «Lepš by padarožža».
Byli i tyja, chto žartuje: «I ŭsio heta dziela svajakoŭ, jakija padaryli pa sto rubloŭ u kanviercie». Dziaŭčynu pytalisia, ci akupiłasia viasielle i kim pracuje žanich, kali zdoleli naźbirać takuju sumu. Ale sakret jana nie raskryła, adznačyŭšy tolki, što muž pracuje ŭ budaŭnictvie.
Znachodzilisia i tyja, chto padtrymlivaŭ vybar pary:
«Chto b što ni pisaŭ, ale bolšaść dziaŭčat marać pra takoje viasielle (prosta nie ŭsim chapaje finansaŭ)».
Inšyja dadavali:
«Mianie vielmi śmiešyć, jak ludzi ŭ kamientach ličać čužyja hrošy zamiest taho, kab prosta paradavacca za maładych».
U vyniku viasielle stała nie tolki siamiejnym śviatam, ale i temaj dla haračych internet-dyskusij. Adnyja ŭbačyli ŭ hetym biessensoŭnyja vydatki, inšyja — ździajśnieńnie mary.
«Žyćcio zajhrała novymi farbami». U Homieli ŭziała šlub niezvyčajnaja para: žanichu — 91 hod, a niavieście — 72
Dziaŭčyna z «kavunovaha bataljona» Łukašenki atrymała ŭ Rymie prapanovu ruki i serca. Chto ž žanich?
«Nienavidžu pied». Łukašenka zavitaŭ na viasielle. Dyk a chto ž pabraŭsia šlubam?
«Ania, vychodź za mianie». Homielskaja dziaŭčyna atrymała prapanovu ź niezvyčajnym šykam VIDEA
Ciapier čytajuć
Žychary Hrušaŭki i Michałova zastajucca biez deputatki: čempijonka Mirončyk-Ivanova źbirajecca ŭ dekret13
Kamientary
p.s. za 30 $. i mnie daviałosia jaje samoj padšyvać