На сустрэчы з прэзідэнтам Украіны Уладзімірам Зяленскім кіраўнік замежнай разведкі Алег Івашчанка зрабіў паведамленне пра апошнія звесткі, якія ўдалося раскрыць ягонаму ведамству. У прыватнасці, Алег Івашчанка паведаміў пра расійскі план далейшай ваеннай эксплуатацыі тэрыторыі Беларусі, піша «Радыё Свабода».
«На цяперашнім этапе мы не будзем публікаваць інфармацыю. Мы папярэдзім партнёраў, якім гэта можа пагражаць», — сказаў Зяленскі.
Санкцыі свету сапраўды абмяжоўваюць магчымасці Расіі працягваць і пашыраць гэтую вайну, і чым мацнейшы будзе санкцыйны ціск, тым хутчэй украінскія службы гарантуюць надзейную бяспеку, адзначыў Зяленскі.
«Гэта выразна пацвярджаюць закрытыя звесткі, атрыманыя нашай разведкай. Ёсць таксама шмат адкрытых звестак, у прыватнасці пра стан расійскай прамысловасці, фінансаў, рэгіянальных бюджэтаў, якія ў цэлым пацвярджаюць слушнасць курса на далейшы ціск на Расію. Сітуацыя Пуціна не вытрымае супрацьстаяння, у якое ён увёў Расею. Сёння мы вызначылі ключавыя сферы нашага далейшага ціску. Я даручыў працаваць з адпаведнымі краінамі», — дадаў Зяленскі.
Таксама ён адзначыў, што напярэдадні ягонага візіту ў Вашынгтон і кантактаў з еўрапейскімі лідарамі ўкраінскі бок абмеркаваў ключавыя крыніцы паставак у Расію крытычна важных складнікаў і абсталявання для вытворчасці зброі.
«Мы ва Украіне выразна разумеем, якія пастаўкі маюць найбольшае значэнне для Масквы, і кожная такая схема павінна быць заблакаваная. У нашых партнёраў ёсць усе магчымасці для гэтага», — падагульніў Зяленскі.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары
Лукашенко залез сам в российскую могилу и загнал в неё беларусов и Беларусь!
Он не контролирует территорию Беларуси и передвижение по ней российских войск.
Ему оставили, под контроль, репрессирование недовольного населения Беларуси, особенно тех, кто не согласен жить в российской могиле и российском загоне лукашенок.