Мытны камітэт намякае, што Мінск не пойдзе на павышэнне пошлінаў.
Чакаецца, што пытаньні Мытнага саюзу, у тым ліку парадак спагнаньня мыта з фізычных асобаў па шэрагу таварных пазыцый, будуць вырашаны на паседжаньні савета міністраў саюзнай дзяржавы, якое, як плянуецца, адбудзецца ў траўні.
Пра гэта паведамляе Інтэрфакс са спасылкай на Дзяржаўны мытны камітэт Беларусі (ДМК)
Беларускі бок лічыць неабходным захаваць дзеючыя ў рэспубліцы стаўкі ўвазнога мыта на аўтамабілі для фізычных і пасьля ўступленьня ў сілу мытнага кодэкса Мытнага саюза (з 1 ліпеня 2010 г.). «Рэспубліка мае намер дастаткова жорстка адстойваць сваю пазыцыю», — падкрэсьлілі ў ДМК.
Па дадзеных ДМК, у студзені‑сакавіку 2010 года ў Беларусь было ўвезена 44,5 тысяч легкавых аўтамабіляў, што на 14% больш у параўнаньні зь першым кварталам мінулага года. З агульнай колькасьці ўвезеных аўтамабіляў 98% прыйшлося на долю фізычных асоб.
Раней паведамлялася, што Расея настойвае на падвышэньні Беларусьсю і Казахстанам з 1 ліпеня 2010 г. ставак увазнога мыта на аўтамабілі для фізычных асоб да расейскага ўзроўню.
Зараз на тэрыторыі Беларусі дзейнічаюць нацыянальныя стаўкі пошлін. Прадугледжваецца, што ў выпадку, калі іх велічыня ня будзе ўзгодненая краінамі‑удзельніцамі Мытнага саюза і не зацьверджаная Камісіяй гэтага органа, Беларусь, гэтак жа, як і Расея, і Казахстан, захавае нацыянальныя стаўкі на аўтамабілі для ўвозу фізычнымі асобамі.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары