Mytny kamitet namiakaje, što Minsk nie pojdzie na pavyšeńnie pošlinaŭ.
Čakajecca, što pytańni Mytnaha sajuzu, u tym liku paradak spahnańnia myta ź fizyčnych asobaŭ pa šerahu tavarnych pazycyj, buduć vyrašany na pasiedžańni savieta ministraŭ sajuznaj dziaržavy, jakoje, jak planujecca, adbudziecca ŭ traŭni.
Pra heta paviedamlaje Interfaks sa spasyłkaj na Dziaržaŭny mytny kamitet Biełarusi (DMK)
Biełaruski bok ličyć nieabchodnym zachavać dziejučyja ŭ respublicy staŭki ŭvaznoha myta na aŭtamabili dla fizyčnych i paśla ŭstupleńnia ŭ siłu mytnaha kodeksa Mytnaha sajuza (z 1 lipienia 2010 h.). «Respublika maje namier dastatkova žorstka adstojvać svaju pazycyju», — padkreślili ŭ DMK.
Pa dadzienych DMK, u studzieni‑sakaviku 2010 hoda ŭ Biełaruś było ŭvieziena 44,5 tysiač lehkavych aŭtamabilaŭ, što na 14% bolš u paraŭnańni ź pieršym kvartałam minułaha hoda. Z ahulnaj kolkaści ŭviezienych aŭtamabilaŭ 98% pryjšłosia na dolu fizyčnych asob.
Raniej paviedamlałasia, što Rasieja nastojvaje na padvyšeńni Biełaruśsiu i Kazachstanam z 1 lipienia 2010 h. stavak uvaznoha myta na aŭtamabili dla fizyčnych asob da rasiejskaha ŭzroŭniu.
Zaraz na terytoryi Biełarusi dziejničajuć nacyjanalnyja staŭki pošlin. Praduhledžvajecca, što ŭ vypadku, kali ich vieličynia nia budzie ŭzhodnienaja krainami‑udzielnicami Mytnaha sajuza i nie zaćvierdžanaja Kamisijaj hetaha orhana, Biełaruś, hetak ža, jak i Rasieja, i Kazachstan, zachavaje nacyjanalnyja staŭki na aŭtamabili dla ŭvozu fizyčnymi asobami.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy5
Kamientary