Што вядома?
У расійскім самалёце Іл-76, які разбіўся днямі ў Судане, быў экіпаж з грамадзян РФ і Беларусі. Пра гэта піша ўкраінскі блогер Дзяніс Казанскі, які апублікаваў у сваім тэлеграм-канале ліст, накіраваны сем'ям загінулых. Па інфармацыі журналіста, загінулі тры расіяніны і адзін беларус, звярнуў увагу Reform.news.
У спісе загінулых пазначаныя:
-
Катляроў Дзмітрый (РФ);
-
Данскіх Дзмітрый (РФ);
-
Ягораў Дзмітрый (РФ);
-
Гразноў Аляксандр (Беларусь).
У лісце, які падпісаў дырэктар Маскоўскага офіса абаронна-прамысловай сістэмы Судана Хасан Махамед Хасан Махамед Джэк, паведамляецца, што зараз вядуцца працэдуры для аказання падтрымкі пацярпелым і іх сем'ям.
«Удакладненыя абставіны інцыдэнту будуць паведамленыя па меры з'яўлення афіцыйнай інфармацыі. Ажыццяўленне ўсіх неабходных дзеянняў, у тым ліку выплаты кампенсацый і аказання экстраннай падтрымкі сем'ям пацярпелых, будуць ажыццяўляць дыпламатычныя прадстаўніцтвы Рэспублікі Судан у Расійскай Федэрацыі і Рэспубліцы Беларусь. Пасольства і абаронна-прамысловая сістэма Рэспублікі смуткуюць разам з вамі і прымаюць усе магчымыя меры для аказання дапамогі і падтрымкі», — гаворыцца ў тэксце.
Як паведамляў Sudan Tribune, 4 лістапада Суданская армія праінфармавала, што ваенны транспартны самалёт пацярпеў крушэнне ў раёне Бабанусы (штат Заходні Кардафан) з-за тэхнічнай няспраўнасці. Па даных вайскоўцаў, увесь экіпаж загінуў. Акрамя таго, армейскія падраздзяленні паведамілі пра знішчэнне беспілотніка ў тым жа раёне.
Паводле інфармацыі арміі, самалёт дастаўляў грузы падраздзяленням, акружаным сіламі хуткага рэагавання (RSF) у Бабанусе. Пасля завяршэння аперацыі ў самалёта ўзнікла «раптоўная няспраўнасць правага крыла», з-за чаго ён страціў кіраванне, загарэўся і ўпаў за некалькі дзясяткаў кіламетраў на захад ад ваеннай базы. Экіпаж, па словах вайскоўцаў, паспеў адвесці самалёт ад пазіцый арміі і так прадухіліць дадатковыя страты.
Сілы хуткага рэагавання (RSF), у сваю чаргу, сцвярджаюць, што збілі над Бабанусай самалёт «Іл-76» і апублікавалі відэа з палаючымі абломкамі. Сцвярджалася, што ўвесь персанал на борце загінуў.
Telegram-каналы, звязаныя з ваеннымі РФ, заяўлялі, што самалётам кіраваў расійскі грамадзянскі экіпаж, які працаваў па кантракце.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай32
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары