У МНС расказалі, чаму пры пошуку Максіма Зяньковіча ў Бярэзінскім раёне ад пачатку не задзейнічалі авіяцыю
Сітуацыю патлумачыў на прэс-канферэнцыі першы намеснік начальніка рэспубліканскага атрада спецыяльнага прызначэння «ЗУБР» Міністэрства па надзвычайных сітуацыях Андрэй Мяцельскі.
«Прымяненне авіяцыі ў першы дзень таксама не дало б эфекту, таму што гэтак жа сама былі неспрыяльныя ўмовы надвор’я, якія не давалі магчымасці паўнавартасна задзейнічаць квадракоптары. Яны не далі б падняцца і верталёту. Але пры гэтым, калі б мы нават пачалі задзейнічаць верталёт, мы не змаглі б задзейнічаць коптары, якіх у момант знаходжання 13 адначасова было ў паветры», — патлумачыў Андрэй Мяцельскі.
Адначасовае выкарыстанне коптараў і верталётаў, па яго словах, немагчымае, бо яны не могуць займаць адну і тую ж паветраную прастору. Да таго ж з верталёта ў тым тумане, які быў, усё адно немагчыма было б нічога разгледзець. Пры гэтым, паколькі верталёт быў бы адзін замест 13‑ці коптараў, то зона пошуку не пашыралася б, а, наадварот, змяншалася б.
Пры гэтым тэхнічна коптары ў беларускага МНС вельмі тэхнічна прасунутыя:
«Коптары ў нас забяспечаныя магутнымі цеплавізійнымі камерамі, таму лясны масіў, зараснікі, калі гэта не густая крона, дазваляюць знайсці чалавека, якога візуальна не бачна».
Менавіта таму, сцвярджае Андрэй Мяцельскі, прымяненне авіяцыі з першых дзён пошуку хлопчыка было немэтазгодным, у той час як беспілотныя апараты былі задзейнічаныя з самага пачатку.
Нагадаем, што 8 лістапада каля 10‑й гадзіны 14‑гадовы Максім Зяньковіч з'ехаў на веласіпедзе ад дома дзядулі ў вёсцы Карбаўскае Бярэзінскага раёна, і знік. Знайшлі цела хлопчыка толькі 13 лістапада каля 15 гадзін — у багністай мясцовасці паблізу вёскі Несцераўка.
Назвалі папярэднюю прычыну смерці 14‑гадовага Максіма Зяньковіча, якога шукалі некалькі дзён
«Месца раней не правяралася». Раён, дзе знайшлі загінулага Максіма Зяньковіча, першапачаткова праігнаравалі
Зніклы 14‑гадовы Максім Зяньковіч знойдзены мёртвым
«Дзіця знікла — не змог застацца дома». Шосты дзень пошукаў Максіма Зяньковіча
«Нам не патрэбны эмоцыі — патрэбна дапамога». Мама зніклага чатыры дні таму Максіма распавяла пра пошукі сына і падтрымку людзей
«Як скрозь зямлю праваліўся». Трэція суткі ідуць пошукі зніклага падлетка ў Бярэзінскім раёне
«Калі б у Беларусі ўсё было добра, то вашы б не ехалі сюды па каўбасу». Рэпартаж з прымежных Баброўнікаў12
Каментары