Адміністрацыя Дональда Трампа таемна працуе разам з Расіяй над распрацоўкай новага плана па спыненні вайны ва Украіне. План ЗША складаецца з 28 пунктаў і натхнёны паспяховымі намаганнямі Трампа па ўрэгуляванні ў Газе. Пра гэта паведамілі выданню Axios амерыканскія і расійскія афіцыйныя асобы.
Паводле інфармацыі выдання, план складаецца з 28 пунктаў, падзеленых на чатыры асноўныя блокі: мір ва Украіне, гарантыі бяспекі, бяспека ў Еўропе, будучыя адносіны ЗША з Расіяй і Украінай. Падрабязныя яго дэталі не паведамляюцца. Згодна з версіяй выдання, план з 28 пунктаў натхнёны паспяховымі намаганнямі Трампа па ўрэгуляванні ў сектары Газа.
Кіраўніцтвам распрацоўкі плана займаецца пасланнік Трампа Стыў Уіткаф, які актыўна абмяркоўвае яго з расійскім пасланнікам Кірылам Дзмітрыевым, піша выданне.
Дзмітрыеў, які ўзначальвае суверэнны фонд Расіі, заявіў Axios, што ён аптымістычна ацэньвае шанцы на поспех, бо «мы адчуваем, што расійская пазіцыя сапраўды пачутая».
Дзмітрыеў паведаміў, што правёў тры дні ў перамовах з Уіткафам і іншымі членамі каманды Трампа ў Маямі ў канцы кастрычніка.
Прадстаўнік Белага дома заявіў: «Прэзідэнт Трамп лічыць, што ёсць шанец спыніць гэтую бессэнсоўную вайну, калі будзе праяўлена гібкасць».
Як паведамілі ўкраінскія чыноўнікі, Уіткаф абмяркоўваў план з дарадцам прэзідэнта Зяленскага па нацыянальнай бяспецы Рустэмам Умеравым на сустрэчы ў Маямі.
«Мы ведаем, што амерыканцы над нечым працуюць», — пацвердзіў украінскі чыноўнік.
Афіцыйны прадстаўнік ЗША пацвердзіў, што Белы дом пачаў інфармаваць пра новы план еўрапейскіх чыноўнікаў, а таксама ўкраінцаў, і лічыць, што «час для гэтага плана добры».
-
«Адбываецца паступовы адкат». Частка ўкраінцаў, якія пасля вайны перайшлі на ўкраінскую мову, ужо вярнуліся да рускай
-
Прадстаўнік Трампа адмовіўся ад сустрэчы з Зяленскім у Анкары, бо той не згодны з прарасійскім мірным планам
-
Айцішнік назбіраў да 28 гадоў $10 мільёнаў. Хоча пайсці на пенсію, але баіцца, што не хопіць
Каментары
И, через 5-10 лет, Украина станет вторым, скотным двором русского мира на задворках России, как и скотный двор лукашенко