Кіраўнік камісіі Сейма Літвы: Мы паверылі ў добрую волю Беларусі і паспяшаліся з адкрыццём мяжы
У сувязі з працяглым залётам метэазондаў з Беларусі старшыня Камітэта Сейма Літвы па замежных справах Рэмiгiюс Мотузас прызнае, што Літва паспяшалася з рашэннем аб адкрыцці мяжы з Беларуссю, паведамляе Delfi.lt.
Як падкрэслівае палітык, гэтае рашэнне было прынята для як мага хутчэйшага вырашэння праблемы з фурамі, якія затрымаліся на мяжы.
«Мы паспяшаліся [з адкрыццём мяжы], бо перавозчыкі аказвалі на нас вялікі ціск. Насамрэч, калі паглыбляцца ў сітуацыю з перавозчыкамі, яна была вельмі складанай. Паколькі была затрыманая не толькі тэхніка, але і частка перавозчыкаў, таксама была значная колькасць тавараў (…). Вядома, на пэўным узроўні вяліся перамовы з памежнымі службамі. Мы чулі ад паважанага Рустама Любаева [кіраўніка Службы аховы дзяржаўнай мяжы], што беларускі бок паставіўся да гэтага вельмі сур’ёзна (…). Мы паверылі ў добрую волю Беларусі», — заявіў Рэмігіюс Мотузас.
На думку старшыні КІС, для вырашэння праблемы з метэазондамі кантрабандыстаў неабходна зноў склікаць міжведамасную нараду. Акрамя таго, важнае супрацоўніцтва на ўзроўні краін Еўрапейскага саюза (ЕС) і ўвядзенне новых санкцый супраць Беларусі. «Санкцыі павінны быць узмоцнены супраць Беларусі і Расіі, у тым ліку праз гібрыдныя пагрозы», — сказаў ён.
Як паведамлялася, за апошнія суткі пасля выяўлення ў паветранай прасторы Літвы шароў, якія рухаліся ў бок Віленскага аэрапорта, той закрываўся двойчы. Паводле даных Віленскага аэрапорта, прыпыненне амаль на пяць з паловай гадзін адбылося ў нядзелю а 18:55, адноўленае а 00:25 і ў ноч на панядзелак з 1:40 да 3:25.
Мяжа з Беларуссю была закрытая ўрадам Літвы з 26 кастрычніка, планавалася, што яна будзе закрытая да 30 лістапада, але пасля адкрыцця двух пераходаў на польска-беларускай мяжы ўрад Літвы прыняў рашэнне адкрыць мяжу з 20 лістапада.
-
«Польшча стала не тая, што раней». Эмігранты, якія вярнуліся ў Беларусь, патлумачылі чаму і падзяліліся ўражаннямі
-
Стала вядома, навошта на фасад аднаго з гістарычных будынкаў у Мінску падчас рэканструкцыі паставілі металічныя калоны
-
«Ва Украіне ніхто не верыць, што там такое робіцца». Украінец, якога затрымалі ў Беларусі за два дні да вайны, расказаў пра пакуты за кратамі
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады5
Каментары