Для паездак з Мінска ў Барысаў і Жодзіна закупяць 15 дадатковых аўтобусаў
Напрамак карыстаецца вялікім попытам: многія мясцовыя жыхары ездзяць у сталіцу на працу або вучобу і ўтвараюцца вялікі чэргі. Аднак у хуткім часе сітуацыя павінна змяніцца — пра планы расказалі ў Мінтрансе.
Мінаблвыканкам збіраецца купіць дадаткова 15 міжгародніх аўтобусаў для паездак з Мінска ў Барысаў і Жодзіна і назад. Гэта дазволіць скараціць інтэрвалы руху, павялічыць колькасць рэйсаў і ў цэлым палепшыць якасць транспартнага абслугоўвання.
Яшчэ адна мера для гэтага — паэтапны пераход на пасадку пасажыраў па білетах, набытых праз касы і сістэмы браніравання. Цяпер абслугоўванне ідзе па жывой чарзе.
Нагадаем, што Лукашэнка ўчора на нарадзе даў загад разабрацца з маршруткамі.
Ён абурыўся недахопам грамадскіх відаў транспарту ў прыгарадным і міжгароднім злучэнні.
«Людзі крыўдзяцца: стаяць, асабліва ў гадзіны пік, па 150 метраў, як яны пішуць, у чэргах, каб уціснуцца ў гэтую маршрутку смярдзючую, — сказаў ён. — Слухайце, чаго вы з людзей здзекуецеся?!»
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары
Наверно БелЖд ?