Нацыянальная дружына правяла апошні матч на чэмпіянаце свету па хакеі ў Нямеччыне.
Зборная Беларусі (галоўны трэнер – Эдуард Занкавец) правяла 17 мая ў Кёльне заключны свой матч на чэмпіянаце свету па хакеі з шайбай у Нямеччыне, абыграўшы зборную Даніі з лікам 2:1.
Ужо на першай хвіліне Ларс Элер вывеў датчанаў наперад,
на 37-й Андрэй Стась зраўняў лік, а на 58-й хвіліне Міхаіл Стэфановіч паставіў пераможную кропку. За паўтары хвіліны да канца сустрэчы беларусы засталіся ўтрох (два выдаленні), а за 15 секундаў датчане знялі галкіпера і на пляцоўцы было шэсць палявых гульцоў у бела-чырвоных. Беларусы выстаялі.
Сёння зборная Фінляндыя выйграла ў зборнай Славакіі – 5:2.
Становішча камандаў у групе «Е»:
Расія – 12 (4 гульні), Фінляндыя – 9 (4), Данія – 6 (4), Беларусь – 5 (5), Нямеччына – 4 (4), Славакія – 3 (4).
Зборныя Расіі, Фінляндыі і Даніі забяспечылі сабе пуцёўкі ў плей-оф. Апошні ўладальнік пуцёўкі вызначыцца ў аўторак у гульні Нямеччына – Славакія.
Нягледзячы на тое, што пакуль беларусы ўзняліся на 4-е месца, у аўторак яны яго саступяць якраз пераможцу матчу Нямеччына – Славакія.
І таксама няглядзечы на вынік таго матчу мы застанемся на 5-м месцы ў групе і, як вынік, займаем 10-е месца на чэмпіянаце свету. Бо ў групе F каманда, што зойме 5-е месца, мае балаў больш за нас (шэсць).
***
На чэмпіянаце свету па хакеі зборная Беларусі згуляла шэсць матчаў, тры гульні выйграла, тры прайграла.
На папярэднім этапе Беларусь выйграла ў Казахстана (5:2), прайграла Славакіі (2:4) і Расіі (1:3). У кваліфікацыйнай групе «Е» выйграла ў авертайме ў Нямеччыны – 2:1, у асноўны час у Даніі – 2:1 і прайграла Фінляндыі (0:2).
На чэмпіянаце свету па хакеі ў 2009 годзе зборная Беларусі (ёй кіраваў Глен Хэнлан) прабілася ў чвэрцьфінал і заняла выніковае 8-е месца. Найлепшы вынік на чэмпіянатах – ЧС у 2006 годзе ў Рызе – 6-е месца (зноў нашай дружынай кіраваў Хэнлан).
Пад кіраўніцтвам Курта Фрэйзера ў 2007 і 2008 гадах беларускія хакеісты займалі 11-е і 9-е месцы.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары