80-гадовая бабуля выкрала з камеры захоўвання кураня-бройлера і мабільнік
Сталічная міліцыя заклікае мінчан і гасцей сталіцы не пакідаць каштоўных рэчаў у камерах захоўвання магазінаў, паколькі адміністрацыя прадпрыемстваў гандлю за іх захаванасць адказнасці не нясе.
Для пацвярджэння актуальнасці гэтай праблемы ў горадзе на сайце ГУУС Мінгарвыканкама прыводзіцца некалькі прыкладаў.
Так, у харчовай краме вядомай гандлёвай сеткі мужчына спосабам падбору ключа адкрыў замок адной з камер і выкраў парасон, жаночую сумачку, у якой быў кашалёк з валютай, касметыка і мабільны тэлефон пакупніцы.
Агульны ўрон склаў больш як 1,2 млн. рублёў.
Затрымаць злачынца і даказаць яго віну дапамаглі наведвальнікі крамы і камеры відэаназірання.
За крадзеж з камеры захоўвання ў адным з магазінаў у мікрараёне Серабранка нядаўна была затрымана 80‑гадовая мясцовая жыхарка. Яна таксама падабрала ключ да ячэйкі і ўкрала бройлернае кураня, жавальныя гумкі, касметыку і мабільны тэлефон, які выкінула ў найбліжэйшую сметніцу.
Каментары