Меркаванні1414

Чаму нямецкая палітыка да Беларусі такая, якая ёсць

Беларуская апазіцыя — прынамсі яе «ветэраны і інваліды» — не мае ў вачах заходніх дыпламатаў таго значэння, якое яна мела 10 гадоў таму.

У бліжэйшы час у Мінск прыбудзе новы пасол Германіі. Палітыка ад’язджаючага пасла Вайса многім прадстаўнікам апазіцыі здавалася памылковай — Вайс часта і прыязна кантактаваў з прадстаўнікамі ўлады. З прыходам новага пасла сутнасць гэтай палітыкi наўрад ці зменіцца.

Тактыка пасла Вайса рознілася ад тактыкі ягоных папярэднікаў.

Як і раней, спалучэнне крытычнага дыялогу з выбарачнай супрацай лічылася асновай для збалансаванага і дынамічнага развіцця дыпламатычных адносінаў, але як крытыка, так і дыялог ужываліся і ў адносінах да апазіцыі, і да афіцыйных прадстаўнікоў ўлады. Гэты дыялог выклікаў здзіўленне многіх, а таксама сфармаваў своеасаблівы імідж кіраўніка пасольства — але гэтая палітыка наўрад ці зменіцца з прыбыццём новага амбасадара.

Праца ў класічным дыпламатычным ключы — гэта значыць камунікацыя, дыялог з усімі значнымі ўдзельнікамі палітычнага працэсу — як з апазіцыяй, так і з афіцыйным Мінскам. Як дакладна гэта робiцца, безумоўна, таксама залежыць i ад канкрэтных людзей. З прыходам новага пасла «чалавечы фактар», вядома, зменiцца i адносiны будуць здавацца больш прыемнымi — але сутнасць палiтыкi гэта наўрад цi зменiць.

Час, калі размова вялася перш за ўсё з праціўнікамі Лукашэнкі, прайшоў. Іх патэнцыял цяпер па-іншаму ацэньваецца еўрапейскімі палітыкамі.

Беларуская апазіцыя — прынамсі яе «ветэраны і інваліды» — не мае ў вачах большасці заходніх дыпламатаў таго значэння, якое яна мела 10 гадоў таму. За гэты час яна не здолела значна ўзняць узровень сваёй папулярнасці сярод насельніцтва.

Да дыялогу як з апазіцыяй, так і з прадстаўнікамі рэжыму заходніх дыпламатаў абавязваюць,

з аднаго боку, рэальная ацэнка сітуацыі ў Беларусі, а з другога — еўрапейскія палітычныя рамкі. Перш за ўсё гэта «Усходняе партнёрства», адна з мэт якога — дыялог з прадстаўнікамі ўлады.

Беларусь была ўключана у праграму з улікам шматгадовага вопыту палітыкі несупрацоўніцтва і ўсведамлення яе безвыніковасці з боку Захада, а таксама і з улікам неабходнасці ў змене сітуацыі ў дачыненні да простага насельніцтва. Яно, у першую чаргу, і з’яўляецца, на думку многіх заходніх палітыкаў, той сілай, якая сваёй большасцю павінна вырашыць пытанне асноўнага палітычнага кірунку краіны.

Захад у асобе дыпламатаў з задавальненнем падтрымае гэтае развіццё падзей, але стаяць ля іх вытокаў ён не можа.

Каментары14

Цяпер чытаюць

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Усе навіны →
Усе навіны

Працоўныя мігранты з Пакістана будуць падпісваць абавязальніцтва не ўдзельнічаць у нелегальнай міграцыі2

Праз залеву спыніўся транспарт на некаторых участках у Мінску

У Мінску прадаюць гатовы бізнэс за $30 мільёнаў. Што за ён3

Навальнічны фронт дабраўся да Мінска

Змерайце сваю талію і рост — гэтыя дзве лічбы шмат скажуць пра ваша здароўе

Урад вызначыўся з пераносам працоўных дзён у наступным годзе

Учора ў Мінску прапаў хлопчык, які не размаўляў

«Чаму ты адключыў рухавікі?» Папярэдні даклад аб катастрофе самалёта Air India выклікаў яшчэ больш спрэчак4

«Разам адкрывалі кантынент беларушчыны». Вінцук Вячорка згадаў пра Эдварда Зайкоўскага3

больш чытаных навін
больш лайканых навін

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8

Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада

Галоўнае
Усе навіны →

Заўвага:

 

 

 

 

Закрыць Паведаміць