Атака расійскай амбасады «кактэйлямі Молатава» не мае дачынення да абаронцаў Хімкінскага лесу. Такім чынам беларускія анархісты проста падтрымалі сваіх расійскіх таварышаў, мяркуе маскоўскі актывіст Яраслаў Марозаў:
«Група расійскіх анархістаў тое самае зрабіла з Хімкінскай адміністрацыяй на знак салідарнасці з абаронцамі Хімкінскага лесу.Пасля чаго пачалася масавае цкаванне расійскіх анархістаў і антыфашыстаў. Я думаю, што вашыя анархісты такім чынам проста падтрымалі сваіх таварышаў. Гэта не мае прамога дачынення да абаронцаў Хімкінскага лесу, да якога я належу.
У нашага руху (абароны Хімкінскага лесу) зусім іншыя метады працы. У нас выключна мірныя акцыі, мы ніколі не парушаем законаў, карыстаемся тымі правамі, якія ў нас яшчэ ёсць — мітынгі, пікеты, звароты, заявы і г.д.».
Нагадаем, адказнасць за атаку на расійскую амбасаду ўзяла на сябе група анархістаў «Сябры свабоды». У сваёй заяве яны паведамілі, што правялі гэтую акцыю на знак салідарнасці з абаронцамі Хімкінскага лесу ў Расіі.
Цяпер чытаюць
70-гадовую жанчыну з Гомеля пасадзілі за каментары. Гэта самая пажылая палітзняволеная15
Каментары