Латушка дабіваецца ад літоўцаў аднаўлення музея імя Івана Луцкевіча
Міністр культуры Літвы Арунас Гелунас асабіста зоймецца гэтай праблемай.
Міністр культуры Літвы Арунас Гелунас асабіста зоймецца праблемай аднаўлення Віленскага беларускагагісторыка-этнаграфічнага музея імя Івана Луцкевіча. Аб гэтым ён заявіў 28 верасня ў Мінску журналістам пасля завяршэння свайго аднадзённага візіту ў Беларусь.
«Паколькі я ўсяго тры месяцы займаю пасаду міністра, мне цяжка гаварыць аб дэталях, але вяліся перамовы з прэм’
Як адзначыў у сваю чаргу беларускі міністр культуры Павел Латушка, літоўскаму боку прапанавана вырабіць за кошт Беларусі лічбавыя копіі тых матэрыялаў музея імя Луцкевіча, якія захоўваюцца ў розных установах культуры Літвы.
Музей існаваў у 1921–1945 гадах на аснове прыватнай калекцыі беларускага этнографа і археолага Івана Луцкевіча і іншых матэрыялаў. Размяшчаўся ў будынку былога базыльянскага кляштара, належаў Беларускаму навуковаму таварыству. Уключаў пяць экспазіцыйных залаў, архіў і бібліятэку больш чым з 14 тыс. тамоў. Захаваўся шэраг калекцый музея, у тым ліку археалагічная (пярсцёнкі з пячаткамі полацкіх князёў), сфрагістычная (103 пячаткі розных часоў, у тым ліку пячатка вялікага князя ВКЛ Міндоўга), нумізматычная, медалёў і крыжоў, слуцкіх паясоў, дываноў і іншых вырабаў беларускіх мануфактур, беларускіх народных музычных інструментаў, твораў народных рэзчыкаў, старажытнай зброі, рукапісных кніг і старадрукаваных выданняў (сярод іх — Жухавіцкае Евангелле XIV стагоддзя і пражскія выданні Францыска Скарыны), старадаўняга адзення і карцін беларускіх мастакоў. Пасля закрыцця ў 1945 годзе большая частка яго збораў перададзена музеям Літвы, астатняе — музеям Беларусі.
Арунас Гелунас знаходзіўся ў Беларусі па запрашэнні Міністэрства культуры. Праграма яго візіту ўключала перамовы з беларускім калегам, наведванне Лідскага, Мірскага і Нясвіжскага замкаў, а таксама Нацыянальнай бібліятэкі Беларусі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары