Асуджаны азэрбайджанскі журналіст Эйнула Фатулаеў працягвае галадоўку, распачатую на мінулым тыдні, Калегі Эйнулы Фатулаева і праваабаронцы заклікалі яго спыніць «галодны пратэст», каб «захаваць здароўе для далейшай барацьбы з азэрбайджанскай дыктатурай».
Эйнула Фатулаеў, галоўны рэдактар незалежнай газэты «Рэальны Азэрбайджан» у 2007 годзе быў асуджаны на адзінаццаць гадоў турмы па абвінавачваньні ў нявыплаце падаткаў, а таксама ў распальваньні міжэтнічных канфліктаў. Сёлета ў да гэтага тэрміну зьняволеньня дадалі два з паловай гады за нібыта захоўваньне наркотыкаў у турэмнай камэры.
Праваабаронцы лічаць абвінавачваньні на адрас Эйнулы Фатулаева сфабрыкаванымі. Журналіст патрабуе выкананьня пастановы Эўрапейскага суду па правах чалавека, які абавязаў урад Азэрбайджану неадкладна вызваліць асуджанага і выплаціць яму кампэнсацыю ў памеры 25 тысяч эўра.
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3737
Каментары