Папулярны пашуковік знаходзіць вуліцы ды іншыя мінскія ўрбанонімы па-беларуску. Ты ведаў?
Папулярны пашуковік знаходзіць вуліцы ды іншыя мінскія ўрбанонімы па-беларуску. Ты ведаў?
Хоць, паводле Яндэкса, гэткая опцыя даступная ад самага запуску падрабязнай карты Мінска, яна не афішуецца, а ўсе надпісы дагэтуль толькі па-расійску. У адрозненне ад карты Ўкраіны, дзе вуліцы падпісаныя і па-расійску, і па-ўкраінску.
Нам расказалі, што беларускія надпісы — у планах. Але планы бестэрміновыя.
За межамі сталіцы разуменне беларускай мовы сканчаецца. Віцебск на Яндэксе ўжо не знойдзеш. Толькі Витебск.
Падобным чынам паводзіцца «адкрыты» праект osm.org. Ён напаўняеца карыстальнікамі. Карыстальнікі дзе дадаюць беларускі варыянт, дзе не. Але нават калі такі ёсць, на osm.org ён не паказваецца. На аснове OSM ёсць недабеларусізаваны Latlon.org. Але там не відаць пошуку.
Нарэшце, яшчэ адзін «саматужны» праект — Google Maps. Ад Гугла карта, ад карыстальнікаў інфармацыя. Беларуская мова ёсць, але не ўсюды. Геаграфічным напаўненнем праект таксама пакуль не можа пахваліцца.
Што ж рабіць? Карыстацца рознымі рэсурсамі. З Мінскам праблем быць не павінна. У іншых гарадах — залежыць ад актыўнасці картографаў-энтузіястаў. Прафесійным картографам з дыпломам і заробкам, выглядае, ніякай справы ні да беларускай мовы, ні да прадстаўлення краіны ў інтэрнэце.
Каментары