У Віцебску на помніку Караткевічу зьявіўся бел-чырвона-белы сцяг
Гэтак сябры віцебскай арганізацыі Кансэрватыўна-хрысьціянскай партыі БНФ ўшанавалі памяць таленавітага літаратара, дзень нараджэння якога адзначаўся 26 лістапада.
У нядзелю да помніка Уладзіміру Караткевічу віцябляне неслі кветкі, а невядомы павесіў бел-чырвона-белы сцяг.
У нядзелю раніцай да п’едэстала помніка Уладзіміру Караткевічу ў Віцебску быў прымацаваны бел-чырвона-белы сцяг. Сам помнік пісьменніку быў упрыгожаны гваздзікамі, абгорнутымі бел-чырвона-белай стужкай.
Гэтак сябры віцебскай арганізацыі Кансерватыўна-хрысціянскай партыі БНФ вырашылі ўшанаваць памяць таленавітага літаратара, дзень нараджэння якога адзначаўся 26 лістапада.
Прыкладна праз гадзіну сцяг і кветкі са стужкай знялі міліцыянты Кастычніцкага РАУС. У падножжы помніка стаялі і кветкі ад сябраў Саюза пісьменнікаў Беларусі (прадзяржаўнай арганізацыі), якія яны прынеслі сюды напярэдадні, 24 лістапада. На тое, што кветкі ўскладзеныя менавіта гэтай пісьменніцкай арганізацыяй, сведчыла шыльдачка з віншавальным надпісам і подпісам, ад каго яны. Міліцыянтам было ўсё роўна: разам са сцягам КХП БНФ яны прыбралі і таблічку «правільных» пісьменнікаў.
Да «Дня народнага адзінства» памілавалі 25 чалавек4
Каментары