Цяпер яны будуць знаёміцца з матэрыяламі справы.
Сёння следчым упраўленнем папярэдняга расследавання ГУУС Мінгарвыканкама Алесю Кіркевічу і Андрэю Пратасеню прад’яўлена абвінавачванне ў масавых беспарадках. Артыкул 293 КК, які прадугледжвае да 15 гадоў зняволення.
Бліжэйшым часам хлопцы пачнуць знаёміцца з матэрыяламі крымінальнай справы.
Кіркевіч і Пратасеня ўтрымліваюцца пад вартай. Кіркевіч з Горадні, ён намеснік старшыні «Маладога фронта». За тыдзень да арышту хлопец адыграў вяселле. Андрэй Пратасеня да затрымання працаваў праграмістам.
Каментары